Túrli kásiporyndar (onyń ishinde qurylys kompanııalary) men turǵyndardyń ózderi de qurylys qaldyǵyn qala shetine shyǵaryp, kórsetilmegen oryndarǵa tógedi. Bul qala ekologııasynyń nasharlaýyna áser etip qana qoımaı, turǵyndardnyń ómir súrýine qolaısyz jaǵdaı týǵyzady.
Bıyl jalpy paıdalaný oryndaryn lastaǵany (434-2-bap) jáne abattandyrý erejesin (505-bap) buzǵany úshin zań buzýshylarǵa 50 mln teńgeden astam somaǵa aıyppul salyndy. Onyń ishinde 15 qurylys kompanııasy bar.
О́tken jyly 300-ge jýyq tabıǵı qoqys orny joıyldy. 35 myń tonnadan astam qoqys shyǵaryldy. Máselen Esil aýdanynda – 312 oryn, Almaty aýdanynda – 105 oryn, Baıqońyr aýdanynda – 90 oryn, Saryarqa aýdanynda – 44 oryn.
Ákimdik tabıǵatty qorǵaý polısııasymen, Astana qalasynyń Ekologııa departamentimen, «iKomek 109» biryńǵaı baılanys ortalyǵymen birlese otyryp, qalalyq «Sergek» beınebaqylaý kameralary arqyly qoqysty shyǵarý men paıdaǵa jaratý isin baqylaýdy kúsheıtti.
Qurylys qaldyqtaryn basqarý ınfraqurylymyn qurý jáne stıhııalyq polıgondardyń paıda bolý kólemin azaıtý maqsatynda ákimdik qurylys qaldyqtaryn tógý jáne qaıta óńdeý úshin arnaıy «Severnaıa grıada» alańyn salyp, iske qosty. Alańda qurylys qaldyqtaryn (asfalt, kirpish, beton jáne t.b.) óńdeýge arnalǵan qýaty jylyna 196 000 m3 usaqtaý kesheni ornatylǵan.
