Qarǵynnan ázir qaýip joq

Oblys aýmaǵynyń 75 paıyzyn qar basyp jatyr. Tek Nura ózeninde keıingi jyldar­daǵy normamen salystyrǵanda jınaq­talǵan sý qory 28 paıyzǵa artyq. О́zgesinde normadan 3-10 paıyzǵa tómen. Olarda seń júrgende arnasynan asyp ketpeýi úshin siresken kók muzdy burǵylaý júrip jatyr. Budan bólek, sý ótetin qubyrlar, aryqtar arshylýda.

– Ǵaryshtan baqylaý qazirgi ýaqytta oblys aýmaǵynyń 75 paıyzy qar astynda jatqanyn kórsetti. Nura ózeni basseıninde sý qory keıingi jyldardaǵy ortasha esepten 28 paıyzǵa joǵary, al qalǵan ózenderde 3-10 paıyzǵa normadan tómen. Oblystaǵy iri sý qoımalarynan sý jiberilýde. Atap aıtqanda, Samarqand jáne Yntymaq sý qoımalarynan sekýn­dyna 5-8 tekshe metr sý jiberiledi. Eldi mekenderden 2,1 mln. tekshe metr qar shyǵa­ryldy. Sý basý qaýpi bar aımaqtarda aldyn alý jumystary jalǵasýda, deıdi Tótenshe jaǵ­daılar depar­ta­mentiniń basshysy Murat Qat­panov.

Buqar jyraý aýdany men Temirtaý qa­la­synyń mańyndaǵy Nura ózeninde muz kep­telisteriniń aldyn alý úshin muzdy kesý jáne burǵylaý jumystary qaýyrt júr­gizilýde. Muz jamylǵysynyń álsireýi de muz­dyń jyljýy ke­zinde ózenniń tolyp ketýine jol bermeıdi. Sý tasqyny qaýpi bar óńir­lerde aldyn alý sharalary jalǵasýda. 110 shaqyrym sý burý transheıalary tartyldy. 158 shaqyrym kanaldar men aryqtar tazartyldy. 3 286 birlik sý ótkiz­gish qubyrlar men 281 kó­pir tazartyl­dy.

Jalpy, jarııa etilgen derekterge súıen­sek, óńirde 150-ge jý­yq eldi meken men 100-ge jýyq kólik jolyna qyzyl sýdan qaýip bar. Jerdiń tońy ortasha eseppen 160 sm-ge jýyqtaıdy. Oblys bo­ıyn­sha tótenshe jaǵdaıdyń aldyn alý úshin bıýdjetten 3 mıllıard teńge bólingen. Tasqynǵa tos­qyn qoıý úshin 3,5 myńǵa jýyq adam jáne 1 200 tehnıka saqadaı-saı.

Oblys ákimi Ermaǵanbet Bó­lekpaev ta­r­a­pynan aldyn alý sharalary boıynsha quzyrly organdarǵa naqty tapsyrmalar berildi.

–Tasqyn sýlardyń apatsyz ótýi úshin sý burý, aryqtar júıe­leriniń daıyndyǵyn barlyq jer­de qamtamasyz etý qajet. Son­daı-aq jeke aýmaqtardy qar men qoqystan tazartý jóninde ha­lyqpen túsindirý jumystaryn jan­dandyryńyz, dedi óńir bas­shysy. Sonymen qatar bar­lyq gıdro­qurylystyń daıyn­dyǵy men jumysy turaqty ba­qy­laýda. Ap­tanyń sońyna deıin avtojoldardaǵy sý ótkizý qury­lys­taryn tazalaýdy aıaqtaý qa­jet.

Negizi, departament tarapy­nan basqarý uıymdary úshin tas­qynǵa qatysty jumys algo­rıtmi jasalǵan. Eldi meken­derde tótenshe jaǵdaı týyn­da­ǵanda basshylyqqa alatyn nus­qaýlyqtar ázir.

Qaraǵandy oblysy