Tájirıbeli ákimder iske kiristi

Munaıly óńir ortalyǵy –Atyraý qalasy men Isataı aýdanyn basqarýǵa jańa ákimder taǵaıyndaldy. Bir ereksheligi, jańa qyzmetterine kirisken ákimniń ekeýi de óńir jurtshylyǵy úshin beıtanys tulǵalar emes. Máselen, óńir ákimi B.Izmuhambetovtiń ókimimen Atyraý qalasynyń basqarý tizginin Nurlybek Ojaev qolyna aldy. Osy kezge deıin Isataı aýdanyna bir jyldaı basshylyq jasaǵan N.Ojaevtyń memlekettik qyzmette aıtarlyqtaı tájirıbesi bar. Buryn Mahambet aýdanynyń ákimdiginde túrli laýazymdar atqaryp, keıinnen Atyraý qalalyq jáne oblystyq ákimdikterde apparat basshysy retinde memlekettik qyzmettiń qyr-syryna molynan qanyqqan. Al Isataı aýdanynyń ákimi qyzmetine kirisken Turarbek Sul­tan­­­­­bekovtiń esimi de, atqarǵan qyz­­met­teri de ısataılyq turǵyn­­darǵa keńinen tanys deýge bolady. О́ıt­keni, ol eńbek jolyn osy aýdanda bas­taǵannan beri túrli qyzmetterde tájirıbe jınaqtady. Tipti, byltyrǵy maýsymnyń ortasyna deıin atalǵan aýdannyń   bolyp edi. Sodan keıin bir jylǵa jýyq oblystyq jer qatynastary basqarmasyna bas­shylyq etken T.Sultanbekovke óńir ákimi taǵy da senim artyp, Isataı aýdanyn qaıta basqarýǵa jiberdi. Joldasbek ShО́PEǴUL, «Egemen Qazaqstan». Atyraý oblysy.