Ulys oń bolsyn,
Aq mol bolsyn,
Qaıda barsań jol bolsyn!
Ulys baqty bolsyn,
Tórt túlik aqty bolsyn!
Ulys bereke bersin,
Bále-jala jerge ensin!
***
Nıetteriń aq bolsyn,
Naýryzdyń aqsha qaryndaı.
Bastaryńa baq qonsyn,
Shashyńnyń barlyq talyndaı.
Sanasy ósip adamnyń,
Kóńilde kir qalmasyn.
Quty qashyp jamannyń,
Jaqsy tapsyn jalǵasyn.
Tynysh bolsyn dalamyz,
Túgel bolsyn nýymyz.
Taza bolsyn aýamyz,
Tunyq bolsyn sýymyz.
Qatygezdik joq bolsyn,
Oralmasyn kez ógeı.
Kirisimiz kóp bolsyn,
Búgingi Naýryz kójedeı.
Orazaqyn Asqar
Qaryq qyp qutty Naýryz,
Qazanǵa tolsyn sary ýyz.
Qaınasyn Naýryz kóje de,
Toltyryp ishkeı kezeńe.
Ulystyń uly kúninde,
Kóppenen birge kúlimde.
Kóbeısin jańa dostaryń,
Molaısyn elge qosqanyń.
Jarasyp kóńil hoshtyǵy,
Bekisin halyq dostyǵy.
Ishinde júrse azǵana,
Shaıylsyn ókpe, naz - nala.
Aldyǵa syımaı sábıler,
Qushaǵyn jaısyn jańa úıler.
Jastardyń samsap otaýy,
Meıirim tóksin Otany.
Áspettep ata dástúrin,
Ásem bop óssin jas býyn.
Kirbiń tartpasyn káriler,
Baryńnyń dámdi nárin ber!
Dúrlegen Qazaqstanǵa
Tańǵalsyn dos ta, dushpan da!
Muzafar Álimbaev
Jańa jyl baqyt jyly bolsyn,
Malyń toq,
Ýaıym - qaıǵyń joq bolsyn.
Kógen toly qozy,
Jeli toly qulyn bolsyn.
Malyń bazarly,
Ulyń nazarly,
Qyzyń ajarly bolsyn!...
Jarylqa, táńirim, qabyl et.
Qaryq qyp qutty Naýryz
Qurdasyńa – qýanysh bol
Ýa, jaratqan, jarylqa
Qudaıdyń ózi sóıtip ońdasyn
***
