Birinshi jartylaı orta salmaqta óner kórsetip júrgen Astekter eli ókiliniń jasy – 32-de. Ol 2011 jyldan beri kásipqoılar arasynda judyryqtasýda. Sol kezden beri 21 jekpe-jek ótkizip, 16 ret jeńiske jetti. Toǵyz qarsylasyn esinen tandyrdy. О́zi úsh márte nokaýtqa tústi. Keıingi eki jylda tórt ret sharshy alańǵa shyǵyp, barlyq básekede basymdyq tanytty. Osydan dál bir jyl buryn Meneses ulybrıtanııalyq Sem Maksveldi tehnıkalyq nokaýtpen jeńip, IBO World Super Lightweight nusqasynyń altyn belbeýin ıelendi.
Janqosh Turarov ta 32 jasta. Onyń sporttyń osy túrin serik etkenine 14 jylǵa jýyqtady. Sol aralyqta 26 ret rıngke kóterilip, qarsylastarynyń barlyǵyn qoǵadaı japyrdy. 19 jekpe-jekti merziminen buryn aıaqtady. Janqoshtyń IBO Intercontinental nusqasynyń chempıony degen ataǵy bar.
Kúni keshe «Almaty Arenada» ótetin dál osy jarysta judyryqtasatyn boksshylardyń esimderi belgili boldy. Taǵy bir basty jekpe-jekte Bekman Soılybaev (15-1, 6 KO) kúsh synasady. Onyń qarsylasy – Jenel Laýsa. 34 jastaǵy Fılıppın boksshysy osyǵan deıin 12 kezdesý ótkizip, sonyń birde-bireýinde jeńilgen joq. Ol jeti qarsylasyn esinen tandyrdy. Bul básekede jartylaı jeńil salmaqtyń altyn belbeýi sarapqa salynady. Al ózge jekpe-jekter myna bylǵary qolǵap sheberleri arasynda ótedi: Abylaıhan
Qusaıynov – Zýhrıddın Hamrokýlov (О́zbekstan), Joldas Jeńisov – Asadbek Mamajonov (О́zbekstan), Dáýren Eleýsinov – Bahrom Paıazov (О́zbekstan), Elhan Tabynbaev – Malhaz Sýdjashvılı (Grýzııa), Adlan Selmurzaev – Azamat Belǵojın, Jandos Qydyralıev – Rýslan Berchýk (Reseı), Álıhan Túlenbaev – Maqsat Osmonov, Nurjan Serikbaev – Baıaman Álimbekov, Baýyrjan Beıildınov – Nursultan Smaıyl jáne Balaýsa Muzdıman – Zýhra Israılova.
