2020-2022 jyldar aralyǵynda jalpy somasy 8 mlrd 526 mln teńgege baǵalanǵan 71 joba iske asyrylsa, 2022 jyly 18 joba iske asyrylyp, oǵan 6 mlrd 363 mln teńge jumsaldy. Mádenı jobalar oblys ortalyǵynda ǵana emes, aýyldyq eldi mekenderde de júzege asyrylýda. 2022 jyly iske asyrylǵan barlyq jobanyń 15-i aýyldarda boldy. Sonymen qatar mádenıet úıleri janynda bıýdjet jáne demeýshilik qarajat esebinen qurylǵan 69 mádenı-saýyqtyrý ortalyǵy tabysty jumys istep jatyr. Olar mádenıeti men tarıhy baı óńirlerde iske asyrylyp, týrızmdi damytýǵa jańa serpin berip otyr.
О́ńirde mádenı sala mamandarynyń tapshylyǵy bilinedi. Oblys ákiminiń granttary oryndaýshylyq óner, teatr, rejıssýra, art-menedjment, mádenı-demalys jumysy mamandyqtaryna elimizdiń JOO-laryna bólinetin boldy. Osy ádispen jalpy sala boıynsha 100-ge jýyq mamandy, shyǵarmashylyq adamdaryn jáne tehnıkalyq qyzmetkerlerdi daıarlaý josparlanýda.
Byltyr oblysta keıingi úsh jylda alǵash ret jańa formattaǵy halyqaralyq festıvaldar ótkizildi. Sonyń ishinde «Botaı – Uly dala mádenıeti» I halyqaralyq sýretshiler sımpozıýmyn atap ótýge bolady. Oǵan Qyrǵyzstan, О́zbekstan, Reseı jáne óz elimizdiń daryndy keskindeme ókilderi qatysty. Álemge áıgili skrıpkashy Aıman Musaqojaevanyń qatysýymen «Qyzyljar Music fest» mýzykalyq festıvali ótip, oǵan Italııa, Germanııa, Bashqurtstan elderiniń ataqty ártisteri, «Astana-Opera» teatrynyń oryndaýshylary qatysty. «Táýelsizdik – babalar amanaty» atty halyqaralyq aqyndar aıtysy ótti. Sonymen qatar bas provaıder retinde jergilikti daryndardy, oblystyń mádenı saladaǵy ıgilikterin kórsetýge arnalǵan «Jahandyq álemdegi zamanaýı qazaqstandyq mádenıet» jobasy iske asyryldy.
«Byltyrǵy qol jetkizgen tabystardyń qatarynda Olga Rostovshıkovanyń jetekshiligimen qulaǵy kemis ónerpazdardan uıymdastyrylǵan «Sensitive» bal bıi ansambliniń AQSh-taǵy «25-shi oryndaýshylyq óner túrleri» festıvalinde Gran-prı jeńip alǵanyn jáne Mysyr eliniń Hýrgada qalasynda bolǵan álem chempıonatynda bas júlde alǵanyn aıtýǵa bolady. Al «Ádemi-aý» bı ansambli Túrkııanyń Izmır qalasynda ótken IV Dúnıejúzilik kóshpendiler oıyndarynyń saltanatty rásimine qatysty.
Jeke oryndaýshylardyń tabystary da az bolǵan joq. Oblystyq fılarmonııanyń ártisteri Ashat pen Dınara Taýshevtar jáne Rýslan Mustafın Túrkııanyń Alanııa qalasynda ótken «Global Art Competition» 2-shi halyqaralyq baıqaýynyń Gran-prı ıegerleri jáne laýreattary atandy.
О́ńirdiń tamasha kórinisteri kıno salasyndaǵy jobalardy júzege asyrýǵa tartymdy bolyp otyr. Keıingi jyldary oblysymyzda «Maǵjan», «Dolgoe eho» jáne «Qara qyz» atty 3 kórkem fılm túsirildi. О́tken jyly daryndy rejısser Sábıt Ernat «Kúlpásh» fılmin túsirdi. «Mundaı jobalar aldaǵy ýaqytta da jalǵasady», deıdi D.Ábdiraıysov.
Oblystaǵy 321 kitaphananyń ishinde S.Muqanov atyndaǵy ámbebap ǵylymı kitaphananyń ataǵy alysqa ketken. Bul elimizdegi halyqaralyq qordan grant alýshy 26 kitaphananyń biri AQSh, Fransııa jáne t.b. kóptegen memleketterdiń elshilikterimen tyǵyz jumys isteıtin jalǵyz kitaphana. Osy kitaphana arqyly bizdiń óńirimiz «Oqyrmany ozyq ólke» ataǵyna ıe.
Oblysta 14 fılıaly bar oblystyq memlekettik arhıv jumys isteıdi, olardyń qorlarynda Ulttyq muraǵat qorynyń 1 mıllıon 700 myńnan astam qujattary shoǵyrlanǵan. Arhıvtik qujattar negizinde jyl saıyn oblys arhıvteri 30 myńnan astam memlekettik qyzmet kórsetedi.
Osy jyly oblystyq mádenıet basqarmasynyń brendtik jobalary qatarynda Qojabergen jyraýdyń 360, Shal aqynnyń 275, Aqan seriniń 180, Aıǵanym hanshanyń 240, Maǵjan Jumabaev pen Sultanmahmut Toraıǵyrovtyń 130 jyldyǵy atalyp ótedi. Sonyń ishinde M.Jumabaevtyń 130 jyldyǵyna arnalǵan chellendj bastalyp ketti.
Sondaı-aq dástúrge aınalyp ketken «Qyzyljar Music fest» jáne Ermek Serkebaev atyndaǵy halyqaralyq klassıkalyq mýzyka festıvalderin ótkizý josparlanyp otyr. Al «Botaı – Uly dala mádenıeti» II halyqaralyq sýretshiler sımpozıýmyna qatysýshylar Túrkııa, Fransııa jáne Nıderlandtan keletin bolady.
Soltústik Qazaqstan oblysy
