19 naýryzda avtobýstar tańǵy 06:00-den túngi 23:00-ge deıin shtattyq rejımde júredi. Jolaýshylar úshin jol júrý tegin bolady. Al 20 naýryzdan bastap, dúısenbide qoǵamdyq kólik qolma-qol aqshasyz tólemmen shtattyq rejımde jumys isteıdi.
Esterińizge sala keteıik, qala turǵyndary elordadaǵy saılaý ýchaskesin birneshe tásilmen onlaın bile alady:
1. Veb-qyzmet: https://sailau.astana.kz/
2. Telegram-daǵy ch-bot: https://t.me/sailau_astana_bot
3. Smart Astana mobıldi qosymshasy;
4. IKomek biryńǵaı baılanys ortalyǵy 109 telefony boıynsha.
Aıta ketý kerek, 2004 jyldan beri alǵash ret daýys berý jańa erejeler boıynsha ótedi – depýtattar aralas júıe boıynsha saılanady.
Siz tek partııa úshin ǵana emes, táýelsiz kandıdattar úshin de daýys bere alasyz. Májilis pen máslıhat saılaýynda elorda turǵyndary túrli tústi bıýlletenderdiń tórt túrin alady. Blankiler ár túrli tústi bolady.
Májilis depýtattaryn partııalyq tizimder boıynsha tańdaý úshin – kók, al bir mandatty okrýgter boıynsha – jasyl. Qalalyq máslıhatqa daýys berý úshin kúlgin jáne qyzǵylt sary tústi bıýlletender bolady. Ár bıýlletende «barlyǵyna qarsy» degen baǵan bolady.
