«Búgin ótip jatqan saılaý Qazaqstan ómirindegi mańyzdy oqıǵa. Bul Memleket basshysy byltyr naýryz aıynda jarııalaǵan saıası reformalardyń sońǵy kezeńin bildiredi. Májilis pen maslıhattyń saılanǵan depýtattary aldynda jańa mindetter týyndaıdy jáne olardyń jumysy Qazaqstannyń turaqty áleýmettik-ekonomıkalyq damýyn qamtamasyz etý jáne azamattarymyzdyń ómir súrý deńgeıin arttyrý jónindegi bastamalardy qoldaýǵa baǵyttalýy tıis. Qazaqstan men bizdiń súıikti Almatynyń taǵdyryna shyn júrekten alańdaıtyn almatylyqtar beı-jaı qaramaıtynyna jáne jarqyn bolashaqqa daýys beretinine senimdimin», dedi Erbolat Dosaev.
QR Konstıtýsııasyna sáıkes, Parlament Májilisi aralas saılaý júıesi boıynsha Konstıtýsııalyq zańda belgilengen tártippen saılanatyn 98 depýtattan turady. Biryńǵaı jalpyulttyq saılaý okrýgi aýmaǵy boıynsha, ıaǵnı partııalyq tizim boıynsha Májilistiń 69 depýtaty, bir mandatty aýmaqtyq saılaý okrýgteri boıynsha – 29 depýtat saılanady.
