Aımaqta 700 myńnan astam saılaýshy bar. Onyń arasynda, birinshi ret daýys berýge keletin jastyń sany 13 myńǵa jýyq. Sonymen qatar múmkindigi shekteýli jandardyń saılaý ýchaskesine kelýi úshin ınvataksı qyzmeti jumys istep tur. Oblystyń barlyq qalalarynda búgin qoǵamdyq kólik tegin.
О́ńirde 863 saılaý komıssııasy jumys isteıdi. Olar - oblystyq, aýmaqtyq, okrýgtik jáne ýchaskelik komıssııalary. Qaraǵandy qalasynyń Kenshiler mádenıet saraıynda ornalasqan № 17 saılaý ýchaskesine tańnan beri daýys berýshiler kelip jatyr.
Qaraǵandy oblysynda proporsıonaldy-majorıtarlyq júıeni qoldana otyryp, máslıhattarǵa 214 depýtat jáne májiliske eki depýtat saılanady.
Daýys berýshiler túrli tústi bes bıýlleten alady. Májilis depýtattaryn partııalyq tizimder boıynsha tańdaý úshin – kók, al bir mandatty okrýgter boıynsha – jasyl.
Oblystyq máslıhatqa daýys berý úshin kúlgin jáne qyzǵylt sary tústi, qalalyq jáne aýdandyq máslıhattarǵa – sur tústi bıýlletender beriledi. Ár bıýlletende «barlyǵyna qarsy» jolaǵy bar.
Daýys berý barysyn táýelsiz baıqaýshylar baqylap jatyr.
