Bıyl 18 jasqa tolyp, daýys berý quqyǵyna ıe bolyp jatqan jastar barshylyq. Solardyń biri - pavlodarlyq Araı Temirbolat. Kámelet jasyna jaqynda ǵana tolǵan ol alǵash ret saılaýǵa qatysyp otyr.
«Keıbir dostarym byltyr Prezıdenttik saılaýda birinshi ret daýys bergen edi. Sol kezde men de saıası naýqanǵa qatysar kúndi kúttim. Sebebi maǵan erteńgi kúni múddemdi kimniń qorǵap, óńirdegi máselelerdi kimniń qalaı sheshetini mańyzdy. Sol úshin de partııalar men kandıdattardyń baǵdarlamasyn aldyn ala qarap aldym. Durys tańdaý jasadym dep oılaımyn», deıdi boıjetken.
Araı daýys bergen №10 saılaý ýchaskesinde alǵash ret bıýlleten alatyn barlyǵy 10 jas azamat bar. Olardyń barlyǵyna estelik syılyqtar qarastyrylǵan.
