«Búgin el tarıhyndaǵy taǵy da bir mańyzdy qadam jasaldy. Biz saılaǵan depýattar ár qabyldanatyn aktige, zańnamalarǵa, bıýdjetti qabyldaý tásilderine, memleket úshin asa mańyzdy máselelerge qatysty ábden pisip-jetilgen, baıypty sheshimder qabyldaıdy dep senemin. Búgin biz mańyzdy mindetterdi júzege asyryp, memlekettiń turaqty damýyn qamtamasyz ete alady degen degen kandıdattar men partııalarǵa daýys berdik. Turaqty damýǵa úles qosý – el ıgiligi jolyndaǵy barlyǵymyzǵa ortaq jumys. Qazaqstannyń kúshi – beıbitshilik pen tynyshtyqta, turaqtylyq pen ózara syılastyqta. Elimizde mádenıetke, salt-dástúrge degen qurmet joǵary. Bul – bizdiń memleketimizdiń myqty tusy boldy jáne budan keıin de nyǵaıa túsýi tıis», dedi Vılen Molotov-Lýchanskıı.
Onyń aıtýynsha, biz saılaǵan depýtattar men daýys bergen partııalar osy qundylyqty baǵalap, nyǵaıtýǵa mindetti.
«Biz ózimiz saılaǵan depýtattardyń jumysyn qadaǵalaımyz. Yqpaldy Parlament jáne jergilikti jerlerdegi kúshti máslıhattar saılaýshylardyń úmitin aqtaýy tıis. Sonymen qatar memleket pen halyq múddesi qashanda birinshi orynda. Bul – óte mańyzdy. Sondyqtan depýtattar halyqtyń tynys-tirshiligin únemi sezinip, soǵan saı áreket etetinine senimdimin. Ol úshin adal, jaýapty jáne syndarly jumys jasalýy tıis. Sondaı-aq Parlamentte nemese máslıhattarda qandaı oryn alatynyna qaramastan ózara birlese jumys jasalǵany abzal. Munyń bári bizdiń memleketimizdiń ıgiligi úshin atqarylatyn sharýalar. Búgingi kún óte mańyzdy. Daýys berý – árqaısymyzdyń azamattyq boryshymyz!» deıdi ol.
