Jastar Otandy tilmen emes, júrekpen súıýi kerek. Bul saılaýda qanshama belsendi jastar kandıdat retinde tirkelip, eliniń bolashaǵy úshin aıanbaı ter tógýge daıyn ekenderin bildirdi.
Jalpy, saılanatyn depýtattar kýáligin alǵan soń ózderin kim saılaǵanyn umytpaýǵa tıis. Úgit-nasıhat kezeńinde el aldynda aıtqan sózderin, ýádelerin oryndaýǵa kúsh salýy kerek.
Sońǵy ýaqytta Memleket basshysynyń tapsyrmasyna sáıkes, kez kelgen salada reformalar júzege asyp jatyr. Saıası reformalar bir bólek, ózime jaqyn qorǵanys salasynda jańashyldyqtardyń oryn alýyn qoldaımyn. Jasyratyny joq, okopta bolmaǵan, qolyna avtomat ustap kórmegender kabınette otyryp reforma ázirleýge sheber. Bul sharýamen óz isiniń mamandary aınalysýy qajet. Parlamentke qarasam, bir general joq. Qysqasy, Parlamentte óz salasyn jetik meńgergen azamattar otyrýǵa tıis.
Baqytjan ERTAEV,
Halyq qaharmany, general-leıtenant
