Qytaı Halyq Respýblıkasynyń Tóraǵasy Sı Szınpın el Úkimeti men halqynyń, sondaı-aq óziniń atynan joldaǵan quttyqtaý jedelhatynda dostas Qazaqstan halqyna baq-bereke, al Qasym-Jomart Toqaevqa zor densaýlyq jáne onyń jaýapty jumysyna tabys tiledi.
– Men Qytaı jáne Qazaqstan arasyndaǵy qarym-qatynastyń damýyna aıryqsha mán beremin. Sizdiń Qytaıǵa memlekettik saparmen keletinińizge jáne bıyl mamyr aıynda ótetin alǵashqy «Qytaı – Ortalyq Azııa» sammıtine qatysatynyńyzǵa qýanyshtymyn. Eki eldiń yntymaqtastyǵyn odan ári damytý, sondaı-aq Qytaı men Ortalyq Azııa arasyndaǵy baılanysty nyǵaıtý máseleleri jóninde ózińizben pikir almasamyz dep senemin, – dep jazylǵan Sı Szınpınniń jedelhatynda.
AQSh Prezıdenti Djo Baıden Qasym-Jomart Toqaevty jáne Qazaqstan halqyn Naýryz meıramymen jáne Ramazan aıynyń bastalýymen quttyqtady.
– Elderimizdiń arasyndaǵy ózara strategııalyq seriktestik pen halyqtarymyzdyń dostyq qarym-qatynasy búkil aımaqtaǵy beıbitshilikti saqtaýǵa jáne óńirdi órkendetýge septigin tıgizedi. Búgin Astanadan Almatyǵa deıingi jáne búkil el turǵyndary kóktemgi jańarý merekesin toılaıdy. Qazaqstannyń jarqyn bolashaǵyn jáne elde teń quqyqtar men múmkindikterdi qamtamasyz etetin Sizdiń saıası jáne ekonomıkalyq reformalaryńyzdy Amerıka Qurama Shtattary árdaıym qoldaıtynyn rastaımyn. Naýryz qutty bolsyn! Ulys oń bolsyn! – dep jazǵan Djo Baıden.
