Jurt jańa jyldy ádette jeltoqsan aıynyń 31-i kúni túngi saǵat 12.00-de kútetin bolsa, «Habar» telearnasy «Tańǵajaıyp Naýryz» jobasynyń aıasynda kúnmen talasyp kelgen jańa jyldy bıyl tańǵy 06.00-de qarsy alady. Osy kúnderi arnaıy teatrlandyrylǵan qoıylym men konsertterdi tamashalaı alasyzdar. Tańdy qarsy alyp, jańa kúnniń kelýimen halyqty quttyqtaý Túrki jurtynyń rýhanı besigi – Túrkistandaǵy tabıǵat aıasynda arnaıy jasaqtalǵan aýylda ótedi. Merekelik shoý úshin bezendirilgen bas sahna eń ozyq zamanaýı tehnologııamen jabdyqtalǵan. Astanadaǵy basty efırdi úsh júrgizýshi – Tursynbek Qabatov, Móldir Dospaeva jáne Almas Toǵaı tizgindeıdi. Al Túrkistandaǵy is-sharany Qanat Áljapparov pen Qaırat Ádilgereı júrgizedi.
Telekópir «Jyl basyna talasqan janýarlar» ertegisindeı qoıylymmen bastalady. Túıege mingen Qanat Áljapparov jańa jyldy birinshi kórmekke umtylady. Osy sáttegi eki júrgizýshiniń amandasýy jarasymdy ázilmen astasyp, erekshe kóriniske ulasady. О́nerpazdar ánnen shashý shashyp, merekeni kúımen kómkeredi. Aqshańqan kıiz úıler tigilgen aımaqta qolóner sheberleri túrli ulttyq buıymdardy jasaýdyń úlgisin kórsetedi. Merekelik efırge jyl úzdikteri qonaq bolyp keledi. Júrgizýshiler eldegi mańyzdy qoǵamdyq oqıǵalarda jarqyraı kóringen azamattarmen suhbattasyp, áserge toly áńgime órbitedi.
Naýryz – túrki elderiniń ortaq meıramy. Ár ulttyń ózine tán salt-dástúri bar. Sol sebepti elimizdegi ózge etnostardyń Naýryz meıramyn toılaý erekshelikterimen tanysýǵa da múmkindik bolady.
Qurmetti kórermen, Naýryz merekesin «Habar» telearnasymen birge qarsy alyńyzdar!
«Habar» agenttigi» AQ
