Májilis saılaýy: Aldyn ala nátıje ne kórsetti?

Sonymen, oblystar men respýb­lı­kalyq mańyzy bar qalalardyń saılaý ýchaskelerinen kelgen aldyn ala nátıjeler boıynsha Parlament Májilisine 6 partııa ótti. Atap aıtqanda, «Amanat» partııasy saılaýshylardyń 53,9 paıyz daýysyn jınasa, «Aýyl» halyqtyq-demokratııalyq patrıottyq partııasy 10,9 paıyz, «Respublica» partııasy 8,59 paıyz, «Aq jol» demokratııalyq partııasy 8,41 paıyz, Qazaqstan Halyq partııasy 6,8 paıyz, Jalpyulttyq sosıal-demokratııalyq partııasy 5,20 paıyz jáne «Baıtaq» jasyldar partııasy 2,3 paıyz elektorat senimine ıe boldy.

Daýys berý kúni saılaý rásimderin baıqaýdy 80 myńnan asa ulttyq baıqaý­shy júzege asyrdy. Onyń ishinde, kandı­dat­tar­dyń senim bildirgen 38 000 ókili, saıas­ı par­­tııalardan 19 036 baıqaýshy jáne ak­re­­dıt­­telgen 252 qoǵamdyq birles­­tik­terd­iń aty­­nan kelgen 23 383 baıqaý­shy bar. Budan bó­lek saılaý barysyn baqylaýǵa halyq­ara­lyq uıymdardyń 793 baıqaýshysy qatysty.

Al Bas prokýratýra ókili Azamat Sarǵazınniń málimdeýinshe, Májilis jáne máslıhattar depýtattaryn saılaý kúni úgit júrgizgen 5 adam jaýapqa tartylǵan.

«Saılaý bolatyn kúni úgit júrgizgeni úshin ákimshilik quqyq buzýshylyq týraly kodekstiń 102-babymen 5 adam jaýapqa tartyldy. Olardyń ekeýi Shyǵys Qazaqstan oblysynda, al Batys Qazaqstan, Pavlodar jáne Túrkistan oblystarynda bir-birden», dedi ol. Bas prokýratýra ókili saılaý komıssııalarynyń 18 múshesi azamattarǵa basqa adam úshin daýys berýge bıýlleten bergenin habarlady.

Sondaı-aq saılaýǵa majorıtarlyq júıemen qatysqan kandıdattarǵa daýys berýdiń de aldyn ala nátıjeleri belgili boldy. Oblystar boıynsha anyqtalǵan daýys sanyna qaraı joǵary paıyz jınaǵan úmitkerler alǵash ret balamaly majorıtarlyq júıemen saılanatyn Parlament Májilisiniń depýtattary atanady. Iаǵnı Ortalyq saılaý komıssııasy taratqan aldyn ala nátıjelerge qaraǵanda bir mandatty okrýgter boıynsha tómendegi kandıdattar basym daýys jınady:

Astana qalasy, №1 saılaý okrýgi bo­ıynsha Dáýlet Turlyhanov 71 698 daýys jınady;

Astana qalasy, №2 saılaý okrýgi bo­ıynsha Dáýlet Muqaev 51 769 daýys jınady;

Almaty qalasy, №3 saılaý okrýgi bo­ıynsha Ermurat Bapı 23 690 daýys jınady;

Almaty qalasy, №4 saılaý okrýgi boıynsha Erlan Stambekov 15 930 daýys jınady;

Almaty qalasy, №5 saılaý okrýgi boıynsha Baqytjan Bazarbek 22 685 daýys jınady;

Shymkent qalasy, №6 saılaý okrýgi boıynsha Danabek Isabekov 21 098 da­ýys jınady;

Shymkent qalasy, №7 saılaý okrýgi boıynsha Bolatbek Nájmetdınuly 19 851 daýys jınady;

Abaı oblysyndaǵy №8 saılaý okrýgi boıynsha Nurtaı Sabılıanov 131 872 daýys jınady;

Aqmola oblysyndaǵy №9 saılaý okrýgi boıynsha Aına Mysyrálimova 154 587 daýys jınady;

Aqtóbe oblysyndaǵy №10 saılaý okrýgi boıynsha Qazybek Ábishev 238 195 daýys jınady;

Almaty oblysyndaǵy №11 saılaý okrýgi boıynsha Ardaq Nazarov 122 242 daýys jınady;

Almaty oblysyndaǵy №12 saılaý okrýgi boıynsha Danııar Qasqaraýov 153 225 daýys jınady;

Atyraý oblysyndaǵy №13 saılaý okrýgi boıynsha Ádil Jubanov 107 973 daýys jınady;

Batys Qazaqstan oblysyndaǵy №14 saılaý okrýgi boıynsha Abzal Quspan 126 784 daýys jınady;

Jambyl oblysyndaǵy №15 saılaý okrýgi boıynsha Muqash Eskendirov 99 021 daýys jınady;

Jambyl oblysyndaǵy №16 saılaý okrýgi boıynsha Gúldara Nurymova 190 078 daýys jınady;

Jetisý oblysyndaǵy №17 saılaý okrýgi boıynsha Rýslan Qojasbaev 132 678 daýys jınady;

Qaraǵandy oblysyndaǵy №18 saılaý okrýgi boıynsha Qudaıbergen Beksultanov 132 471 daýys jınady;

Qaraǵandy oblysyndaǵy №19 saılaý okrýgi boıynsha Arman Qalyqov 145 228 daýys jınady;

Qostanaı oblysyndaǵy №20 saılaý okrýgi boıynsha Erkin Ábil 181 175 da­ýys jınady;

Qyzylorda oblysyndaǵy №21 saılaý okrýgi boıynsha Marhabat Jaıymbetov 148 646 daýys jınady;

Mańǵystaý oblysyndaǵy №22 saılaý okrýgi boıynsha Edil Jańbyrshyn 117 880 daýys jınady;

Pavlodar oblysyndaǵy №23 saılaý okrýgi boıynsha Amantaı Jarqynbek 168 625 daýys jınady;

Soltústik Qazaqstan oblysyndaǵy №24 saılaý okrýgi boıynsha Erkebulan Mambekov 153 736 daýys jınady;

Túrkistan oblysyndaǵy №25 saılaý okrýgi boıynsha Qaırat Balabıev 142 595 daýys jınady;

Túrkistan oblysyndaǵy №26 saılaý okrýgi boıynsha Ulasbek Sádibekov 92 445 daýys jınady;

Túrkistan oblysyndaǵy №27 saılaý okrýgi boıynsha Temir Qyryqbaev 117 584 daýys jınady;

Ulytaý oblysyndaǵy №28 saılaý okrýgi boıynsha Erbolat Satybaldın 44 406 daýys jınady;

Shyǵys Qazaqstan oblysyndaǵy №29 saılaý okrýgi boıynsha Lukbek Tumashınov 165 596 daýys jınady.

«Saılaý týraly zańnyń normalaryna sáıkes, parlamenttik saılaýdyń qory­tyn­dylary OSK otyrysynda saılaý ót­kizilgen kúnnen bastap 10 kúnnen keshik­tirilmeıtin merzimde belgilenedi. Jáne BAQ-ta jarııalanady», dedi Ortalyq saılaý komıssııasynyń tóraǵasy Nurlan Ábdirov.