«Qurmetti dostar! Barshańyzdy Naýryz meıramymen shyn júrekten quttyqtaımyn!
Áz Naýryz – qýanysh pen shattyqtyń, jańarý men jańǵyrýdyń merekesi. Tereńnen tamyr tartatyn bul meıramdy jaqsylyq pen jasampazdyqqa umtylýdyń nyshany dep qabyldaımyz. Ulystyń uly kúninde ulttyq qundylyqtarymyz tórge shyǵyp, saltymyz ben dástúrimiz dáripteledi.
Shyn máninde, halqymyz Naýryz aıyn jyldyń basy dep qashanda erekshe kóńil-kúımen qarsy alǵan. Osy kúnderi aǵaıyn-týystyń basy qosylyp, bulaqtyń kózin ashý, aǵash otyrǵyzý sııaqty izgi amaldar jasalǵan. Munyń bári – eldiń yrysyn arttyryp, yntymaǵyn nyǵaıtatyn, urpaqty tatýlyq pen tazalyqqa úndeıtin ıgi ister.
Osyndaı taǵylymy zor, ónegesi mol merekede ár shańyraqqa amandyq pen baq-bereke tileımin! Áz Naýryzdaǵy aqjarma tilekter qabyl bolsyn! Jyl jaqsylyǵymen kelsin!
Ulys oń, aq mol bolsyn, aǵaıyn!», dep jazylǵan quttyqtaýda.
