Sáresi men aýyzasharda sháı, kofe, gazdalǵan sýsyn ishpegen durys. Olarda kofeın men hımııalyq qospalar bolǵandyqtan shól qanýdyń ornyna organızmniń kóp sýalýyna ákelip soǵady.
Aýyz bekiterde bir shymshym tuz salynǵan bir kese sý ishseńiz, aǵzadan sý shyǵý úrdisi tejeledi.
Adamdar sý mólsherin óziniń qajetine qaraı árqalaı qabyldaıdy. О́te belsendi adam táýligine 2-3 lıtr sý ishýi kerek ekeni barshaǵa belgili. Aýyzashar ýaqytynda sý, kók sháı jáne túrli shópterden jasalǵan sháı shóldi jaqsy qandyrady.
Oraza kezinde óte ashy, tuzdy, qýyrylǵan, maıly jáne tátti taǵamdardan meılinshe aýlaq bolýǵa keńes beriledi. Qýyrylǵan jáne maıly taǵam asqazan men ishekti titirkendiredi jáne óte baıaý qorytylady. Al ashy, tuzdy jáne tátti taǵamdar adamdy shóldetedi.
Sáresi ýaqytynda botqa jegen óte tıimdi. Botqanyń qorytylýy ońaı, aǵzaǵa da paıdaly ári jeńil taǵam. Sonymen qatar botqa jegen adam kúni boıy toq bolady.
Qyryqqabat, sábiz, kartop, kádi sııaqty kókónisterdi kóbirek jegen abzal. Aýyz bekitkende alma, júzim, apelsın, almurt sııaqty jemisterdi jemegen durys. О́ıtkeni, olardyń quramynda qyshqyl kóp bolǵandyqtan, kúndiz adamdy shól qysýy múmkin.
