Mádenıet jáne sport mınıstri Ashat Oralov sporttyq jáne batýt gımnastıkasynan Álem kýboginiń kezeńderinde altyn medal jeńip alǵan qazaqstandyq gımnasttar: Narıman Qurbanov, Mılad Karımı, Pırmammad Álıev jáne Danıl Musabaevpen kezdesti.
Is-sharaǵa jattyqtyrýshylar, medısına qyzmetkerleri jáne Qazaqstan gımnastıka federasııasynyń prezıdenti Álııa Iýsýpova qatysty. Mınıstr olardy sońǵy jetistikterimen quttyqtap, alǵys hat tabystap, Memleket Basshysy Qasym-Jomart Toqaevtyń quttyqtaý hatyn oqydy.
«Sizderdi tarıhı jeńisterińizben quttyqtaımyn. Qazaqstandyq sportshylardyń zor áleýeti bar jáne meniń mınıstr retindegi mindetim — olarǵa laıyqty qoldaý kórsetý. Sportshylardy barlyq qajettiliktermen qamtamasyz etý, sonyń ishinde jattyǵý bazalary, tamaqtaný, laıyqty eńbekaqy jáne basqa jaǵdaılar jasaý. Shynynda da, sporttaǵy jetistikterge qysqa merzimde qol jetpeıdi, bul olar úshin ómirlik motıvasııa. Osy jetistikke qatysqan barlyq qyzmetkerlerge alǵys aıtqym keledi. Biz bárimiz bul úlken joldyń basy dep úmittenemiz jáne jaqyn arada ótetin Azııa men Olımpıadada sáttilik tileımiz. Biz sizderdi qoldaımyz jáne sizderdiń ónerlerińizdi muqııat tamashalaımyz!», dedi Ashat Oralov.
Álııa Iýsýpova óz kezeginde memleket tarapynan gımnasttarǵa kórsetiletin qoldaýdyń mańyzdylyǵyn atap ótip, sportshylarymyzdyń olımpıadalyq lısenzııalardy jeńip alý múmkindigine baǵa berdi.
«Mádenıet jáne sport mınıstrligine qoldaýyńyz úshin alǵys aıtqym keledi. Tek qarjylyq emes, moraldyq turǵyda qoldaý kórsetý mańyzdy. Ásirese sportshylar úshin qajet. Olar alańǵa shyqqanda, óz múmkindikteriniń sheginde jumys isteıdi, sharshy alańǵa shyqqan sportshylarǵa eldiń qoldaýy qosymsha motıvasııa men qosa, kúsh-jiger beredi. Balalardyń sport jáne batýttyq gımnastıkada zor áleýeti men laıyqty nátıjeleri bar. Sondyqtan olımpıada lısenzııalaryn alý múmkindigimiz óte joǵary», dep atap ótti Qazaqstan gımnastıka federasııasynyń prezıdenti.
