Oblystyq sanıtarııalyq-epıdemıologııalyq baqylaý departamentiniń bólim basshysy Aınagúl Sársenǵalıevanyń aıtýynsha, qazir kóptegen álem elderinde qyzylshanyń taralý qaýpi artqan. О́ıtkeni buǵan COVID-19 pandemııasynan keıin qyzylshaǵa qarsy vaksınalaý, osy ınfeksııaǵa epıdemııalyq qadaǵalaýdyń tómendegeni sebep bolyp otyr.
– Atyraý oblysynda qyzylsha aýrýy sońǵy ret 2019 jyly tirkelgen edi. Tórt jyldan keıin bıylǵy naýryz aıynda atalǵan aýrýdyń tórt jaǵdaıy tirkeldi. Alǵashqy jaǵdaı bizge shetelden kelgen jasóspirimnen anyqtaldy. Túrkııa elinen kelgen azamattyń balasy vırýsty sol jaqtan juqtyryp kelgen. Qazir qyzylsha juqtyrǵan 4 jaǵdaıdyń bireýi zerthanalyq taldaýmen dáleldendi. Qalǵan 3 jaǵdaıdyń zerthanalyq nátıjesin kútip otyrmyz, – deıdi A.Sársenǵalıeva.
Onyń aıtýyna qaraǵanda, qyzylsha ınfeksııasynyń aldyn alýǵa baǵyttalǵan kúrestiń jalǵyz jáne tıimdi sharasy – vaksına saldyrý. Atyraý oblysynda balalardy qyzylshaǵa qarsy qyzamyq jáne epıdemııalyq parotıtke qarsy biriktirilgen vaksına egý kózdelgen.
– Bul vaksınaǵa dúnıejúzilik densaýlyq saqtaý uıymy jaǵynan sertıfıkat berilgen. Sertıfıkat – vaksınany alýdyń tıimdi ári qaýipsiz ekeniniń kepili. Qyzylshaǵa qarsy vaksınalaý elimizdiń ulttyq egý kúntizbesine sáıkes 1 jastan 6 jasqa deıingi balalarǵa júrgiziledi, – dep málimdedi A.Sársenǵalıeva.
Departamenttiń baspasóz qyzmeti taratqan aqparatqa súıensek, jiti respıratorlyq vırýstyq ınfeksııalar men tumaýdyń epıdemııalyq maýsymy jeltoqsannan mamyrǵa deıin sozylady. Atyraý oblysynda byltyrǵy 1 jeltoqsannan bergi epıdemııalyq maýsymda jiti respıratorlyq vırýstyq ınfeksııalardyń 41 661 jaǵdaıy tirkelip otyr. Bul ınfeksııamen 14 jasqa deıingi 26 186 bala, 3 210 júkti áıel aýyrǵan.
Al tumaý vırýsynyń alǵashqy jaǵdaıy 2022 jyldyń 30 qyrkúıeginde tirkelgen. Osyǵan baılanysty naýqastardan alynǵan 489 úlginiń 65-inen tumaý aýrýynyń qozdyrǵyshy bolǵany dáleldenipti. Onyń ishinde 37 úlgiden tumaý vırýsynyń V tıpi, 28 úlgiden tumaý vırýsynyń A tıpi bar.
Atyraý oblysy
