1925 jyly Qyzylorda qalasynda qazaq teatrynyń shymyldyǵy ashyldy. Eń alǵashqy qoıylym Qoshke Kemeńgerulynyń «Altyn saqına» pesasy negizinde qoıyldy.
Qazirgi kezde Qazaqstanda 65 teatr jumys isteıdi, onyń 55-i memleket menshiginde. Sonyń ishinde tórteýi etnıkalyq teatr: uıǵyr, koreı, nemis jáne ózbek teatry. Táýelsizdik jyldary elimizde 21 memlekettik teatr ashylyp, Oral, Qaraǵandy, Qostanaı, Nur-Sultan, О́skemen, Shymkent, Taldyqorǵan, Túrkistan qalalarynda 11 teatrǵa zamanaýı jańa ǵımarat salyndy. 2020 jyly Nur-Sultan qalasynda Mýzykalyq jas kórermender teatry ashylsa, Qalıbek Qýanyshbaev atyndaǵy memlekettik akademııalyq mýzykalyq-drama teatry respýblıkalyq deńgeıge ótip, ujym jańa ǵımaratqa kóshti. Sonymen qatar 2021 jyly Túrki áleminiń astanasy retinde resmı túrde moıyndalǵan Túrkistan qalasynda Túrkistan mýzykalyq-drama teatry ashylyp, arnaıy salynǵan jańa ǵımaratta óz jumysyn bastaǵan.
2020 jyly 5 teatrǵa, M.Áýezov atyndaǵy Qazaq memlekettik akademııalyq drama teatry, Abaı atyndaǵy Qazaq memlekettik akademııalyq opera jáne balet teatry, M.Lermontov atyndaǵy Memlekettik akademııalyq orys drama teatrlaryna ulttyq teatr mártebesi berilgen.
