Halyqaralyq uıymnyń baǵasy joǵary

EQYU/DIAQB jáne EQYU Parlamenttik assambleıasynyń mıssııasynan 410 baıqaýshy ak­kre­dıtteýden ótti. Sonyń ishinde 350 adam 17 oblysta jáne respýb­lı­kalyq mańyzy bar 3 qalada saılaýdy baıqady. Saılaý komıssııalary baıqaýshylardyń jumysy úshin barlyq jaǵdaıdy jasady. Saılaý qarsańynda óńirlerge sapar barysynda OSK músheleri baıqaý­shylarmen kóptegen kezdesý ótkizdi.

Ortsaılaýkom basshysy Par­lament Májilisine kezekten tys saılaýdyń qorytyndysy týraly habardar etip, ótken saılaý naýqany básekelestiktiń joǵary deńgeıdegi ereksheligimen, úlken qoǵamdyq qyzyǵýshylyq týdyrǵanyn, ulttyq jáne sheteldik baıqaýshylardyń, sondaı-aq BAQ ókilderiniń teńdessiz kóp sanyn tartqanyn atap ótti. Nurlan Ábdirov EQYU/DIAQB-men yntymaqtastyqty keńeıtý qajettigine senim bildirdi.

О́z kezeginde, Oýen Merfı ótken saılaýdyń mańyzdylyǵyn atap ótip, OSK-nyń róli men mańyzyna toqtaldy. «Saılaýdy uıymdastyrý boıynsha atqarǵan jumystaryńyzben quttyqtaımyz, tıimdi basqarýdy qajet etetin kóptegen kúrdeli jańashyldyq pen ózgerister boldy», dedi sheteldik qonaq. Sondaı-aq baıqaýshylardyń qyzmetin uıymdastyrýǵa kómektes­keni úshin alǵysyn bildirdi.

EQYU/DIAQB mıssııasy kezekten tys prezıdenttik saılaý­dy jáne Parlamenti Májilis depýtattarynyń saılaýyn baıqaý boıynsha eki bólek qorytyndy esep daıyndaıtynyn habarlady. Sonymen qatar parlamenttik saılaýdy baıqaý jónindegi esep jarııalanǵannan keıin Ortalyq saılaý komıssııasy men múddeli memlekettik organdarǵa arnaıy kelip tanystyratynyn jetkizdi.

О́z kezeginde Nurlan Ábdirov usynysty qabyldaýǵa daıyn ekenin bildirip, Ortsaılaýkom bıýromen, onyń ishinde saılaý naý­qan­dary arasyndaǵy syndarly dıalogti jalǵastyrýyna úlken mán beriletinin atap ótti. Mıssııanyń qorytyndy esepteri OSK janyn­daǵy Saraptamalyq keńestiń otyrystarynda talqylanady.

Sondaı-aq mıssııa basshysyna saılaý komıssııalary qabyl­da­ǵan sharalar týraly, onyń ishin­de saılaý kúni azamattardyń ótinish­teri men shaǵymdaryn jedel qa­raý, jiberilgen jekelegen buzý­shy­lyq­tar faktileri boıynsha qabyl­danǵan sharalar týraly aqparat berdi.

Kezdesý sońynda Nurlan Ábdirov EQYU/DIAQB mıs­sııa­synyń basshysy men múshe­lerine atqaryl­ǵan jumysy úshin rızashylyǵyn bildirip, qazaq­standyq tarap ótken saılaý boıynsha qorytyndy esepterde mıs­sııanyń barlyq usyny­myn zerdeleıtinin, OSK men DIAQB mıssııasynyń ózekti máseleler boıynsha ashyqtyǵy men syndarly yntymaqtastyǵy qaǵıdattarynda dıalogti jalǵastyrý nıetin rastaıtynyn atap ótti.