Saryarqa aýdandyq №2 sotynda Qaırat Boranbaevqa qatysty qylmystyq isti qaraý jalǵasyp jatyr.
«Qaırat Boranbaevty Qylmystyq kodekstiń 28-babynyń 5-bóliginde (qylmys jasaýǵa járdemdesý), atalǵan baptyń 2-tarmaǵynyń 189-bóliginiń 4-bóliginde (jymqyrý nemese bógdeniń múlkin asa iri mólsherde urlaý), sonymen qatar 218-baptyń 3-bóligine sáıkes qylmystyq jolmen iri kólemde aqsha jáne múlik ıelengeni úshin kináli dep tanýdy suraımyn. Oǵan QR Qylmystyq kodekstiń 28-baby, 5-baby jáne 4-baptyń 189-bóligi boıynsha jaza taǵaıyndalsyn. Iаǵnı ómir boıy memlekettik qyzmet, Qarjy naryǵy men qarjy uıymdaryn retteý men baqylaý jáne qadaǵalaý jónindegi ýákiletti organda, memlekettik uıymdar men kvazımemlekettik sektor sýbektilerinde laýazymdardy atqarý quqyǵynan aıyra otyryp, 8 jyl bas bostandyǵynan aıyrý jáne 218-baby 3-bóligi boıynsha múlikterin tárkileý suralady», dedi memlekettik aıyptaýshy, prokýror Aıjan Aımaǵanova otyrys barysynda.
Memlekettik aıyptaýshynyń aıtýynsha, Boranbaev óz jazasyn ortasha qaýipsizdik qylmystyq-atqarý júıesi mekemesinde óteý qajet.
«Qaırat Boranbaevqa qatysty qamaýda ustaý túrindegi bultartpaý sharasy burynǵydaı qaldyrylsyn. Boranbaevty qamaýda ustaý ýaqyty 15 naýryzdan bastap úkim zańdy kúshine engen kúnge deıin 1,5 kún bas bostandyǵynan aıyrý úshin 1 kún esebinen jaza merzimine esepteýdi suraımyn. Oǵan tıesili jyljymaıtyn múlikke jáne aqshalaı qarajatqa salynǵan tyıym múlikti tárkileýge jáne oǵan qatysty basqa qylmystyq isti tergeýge baılanysty sol kúıinde qaldyrylsyn», dep qosty prokýror.
Aıta ketsek, Qylmystyq kodekstiń 49-babyna sáıkes Q.Boranbaevqa (arnaýly, áskerı ataq-dárejeleri, sheni men dıplomatııalyq dárejesinen, biliktiligi jáne memlekettik ataqtarynan aıyrý) berilgen memlekettik nagradalardy keri qaıtarý suraldy. Olardyń qatarynda «Qurmet», «Eren eńbegi úshin», «Parasat» jáne úshinshi dárejeli Barys ordeni bar.
