Onyń aıtýynsha, jyl basynan beri Almatyda esirtki zattaryna qatysty 205 qylmys anyqtaldy, sondaı-aq esirtki satýǵa qatysty taǵy 35 derektiń joly kesildi.
«Osylaısha, jalpy somasy 187,5 mln teńge bolatyn 30 myń doza áleýetti tutynýshylarǵa jetpeı qaldy. Bul rette sıntetıkalyq esirtki shyǵaratyn 3 esirtki zerthanasy joıyldy. Esirtki qoımasyn uıymdastyrýdyń 2 deregi jáne quramynda esirtkisi bar ósimdikterdi ósirýdiń 1 deregi anyqtaldy. Jalpy, Almaty polıseıleri 60 keli esirtki tárkiledi», dedi Saltanat Ázirbek.
Spıkerdiń aıtýynsha, sıntetıkalyq esirtkini onlaın satý máselesine tosqaýyl qoıý máselesi qolǵa alynǵan.
«Bıyl 27 esirtki kýreri, esirtki taratatyn jáne jarnamalanatyn 73 ınternet-resýrs anyqtaldy. Internettegi aqparatty odan ári buǵattaý úshin barlyq derekter «Kıbernadzorǵa» jiberildi», dedi ol.
Jyl basynan beri Almatyda 300-ge jýyq profılaktıkalyq is-shara júrgizildi. Ásirese, narkolog-dárigerlermen birlese, aqparattyq jumys júrgizýge basa nazar aýdaryldy.
