Naýryz merekesine Qazaqstan Elshiligi men Qazaqstan-Sıngapýr iskerlik keńesiniń shaqyrýymen Sıngapýrda turatyn Qazaqstan azamattary, stýdentter, arnaıy ókilder qatysty. Jalpy 200-den astam qonaq jınaldy. Is-sharada Sıngapýrdyń Qazaqstandaǵy Elshisi Zýlkıflı Baharýdın quttyqtaý sóz sóıledi.
Aıta ketsek, Sıngapýrda Naýryz uzaqqa sozylǵan koronavırýs pandemııasynan keıin alǵash ret toılanyp otyr.
Merekeniń basty elementi dástúrli qazaq kıiz úıi boldy. Kıiz úı qolónershilerdiń týyndylarymen bezendirilgen.
Merekede úzdik kostıým men úzdik balalar sýreti baıqaýlary ótkizildi, onda barlyq qatysýshylardyń daryny men ynta-jigeri baǵalandy.
Naýryz merkesi Qazaqstan men Sıngapýr arasyndaǵy dıplomatııalyq qatynastar ornaýynyń 30 jyldyq mereıtoıymen qatar ótti. Aıtýly kúnge oraı is-shara aıasynda arnaıy fotokórme de uıymdastyryldy.
