Basqosýǵa Túrki Akademııasynyń prezıdenti Shahın Mýstafaev, Qyrǵyz Respýblıkasynyń Bilim jáne ǵylym mınıstri Qanybek Imanalıev, Ázerbaıjan Respýblıkasy Ǵylym jáne Bilim Mınıstriniń orynbasary Ydyrys Isaev, Qazaqstan Respýblıkasy Ǵylym jáne joǵary bilim mınıstrligi Ǵylym komıtetiniń tóraǵasy Darhan Ahmed-Zakı, Túrkııa Respýblıkasy Ulttyq Bilim mınıstrliginiń Bilim jáne tártip jónindegi keńesiniń tóraǵasy Djıhad Demırlı, Vengrııanyń Qyrǵyz Respýblıkasyndaǵy Tótenshe jáne О́kiletti Elshisi Shandor Dorogı, sondaı-aq baýyrlas elderdegi bilim men ǵylymǵa jaýapty vedomstvolardyń ókilderi men sarapshylary qatysty.
Keńes otyrysynyń barysynda Túrki akademııasynyń Ǵylymı keńesine tóraǵalyq etý Qazaqstannan Qyrǵyz Respýblıkasy tarapyna ótti.
Jıynda Akademııa basshysy Sh.Mýstafaev ótken jyly atqarylǵan jumystar týraly esep berip, bıyl júzege asyrylatyn jobalar josparymen bólisti.
Atap aıtqanda, TMU-ǵa múshe elderdiń bilim jáne ǵylym salasyndaǵy yntymaqtastyq máseleleri, ǵylymı-zertteý jobalary talqylanyp, túrki áleminiń 2023 jylǵa arnalǵan ataýly kúnderi bekitildi. Sondaı-aq Túrki Akademııasy qyzmetiniń aldaǵy kezeńderge basym baǵyttary maquldandy.
Otyrys barysynda Ǵylymı keńes músheleri Akademııanyń 2023 jylǵa arnalǵan jumys josparyn bekitip, kelesi otyrystyń orny men ýaqytyn boıynsha ýaǵdalasty.
Osy tusta Túrki akademııasy Ǵylymı keńesiniń kelesi otyrysy Bakýde ótetinin aıta ketý kerek.
Kezdesý qorytyndysy boıynsha mınıstr Q.Imanálıevtiń tóraǵalyǵymen keńes músheleri Túrki Akademııasynyń negizgi ǵylymı baǵyttaryn iske asyrý jóninde hattama qabyldady:
- Túrki áleminiń tarıhı-mádenı murasyn zertteý;
- Qazirgi kezeńde túrki biregeıligin qalyptastyrý;
III. Ejelgi zamannan qazirgi zamanǵa deıingi túrki tilderi;
- Túrki álemindegi ekonomıkalyq baılanys jáne ıntegrasııa.
Bıyl Túrki áleminiń ataýly kúnderi qataryna uly ǵalym Ábý Raıhan ál-Bırýnıdiń týǵanyna 1050 jyl, oıshyl Qoja Ahmet Iаsaýıdiń týǵanyna 930 jyl Aq-Qoıly memleketiniń bıleýshisi Uzyn Hasannyń 600 jyldyǵy, Sultan Beıbarystyń 800 jyldyǵy, belgili qyrǵyz oıyshyly Moldo Nııazdyń 200 jyldyǵy, aqyn, saıasatker jáne Túrkııa memlekettik gımniń avtory Mehmet Akıf Ersoıdyń 150 jyldyǵy, kóne túrki jazýynyń ashylǵanyna 130 jyl tolýy, sondaı-aq kórnekti tulǵalar men mańyzdy oqıǵalarǵa baılanysty basqa da mereıtoılar engizilgen.
