Oblystyq polısııa departamentiniń málimetinshe, 19 naýryzda «102» jedel pýltine qala turǵyndarynyń biri Karbyshev kóshesindegi «Steklosentr» kásipornynyń mańynda elik júrgeni týraly habar túsirgen.
Jaqyn mańaıda avtopatrýl kezekshiliginde júrgen Aıdarbek Sadyrov pen Jasulan Toqtarov turǵyn aıtqan jerge jedel jetedi.
– Biz kelsek, elik temir torly qorshaýǵa basyn suǵyp alypty. Jany qysylǵan janýardy úrkitip alsań, moınyna zaqym keltirip alýy múmkin. Sondyqtan asyqpaı qımyldap, abaılap júrip temir qursaýdan bosatyp aldyq. Artqy aıaqtaryn baılap, qyzmettik kóliktiń artqy oryndyǵyna jatqyzdyq. Odan keıin Altynsarın aýdanyndaǵy tabıǵı mekenine jiberdik, – deıdi tártip saqshylary.
Qostanaı oblysy
