Sátti qadam

Kók aspandy baǵyndyrý ústindegi jastar talpynysy izdenis pen bilimdi ushtastyra bildi Balqash mańyndaǵy avıasııa oqý-jattyǵý ortalyǵynda eki márte Keńes Odaǵynyń Ba­tyry Talǵat Bıgeldınov atyndaǵy Áýe qor­ǵanysy kúshteri Áskerı ınstıtýty 3-kýrs stý­dentteriniń ushý taǵylymdamasy aıaqtaldy. Bir ereksheligi bolashaq avıatorlar ushaqty basqarý tehnıkasynan, navı­gasııadan, jaýyngerlik qoldanýdan, qarapaıym jáne kúrdeli meteorologııalyq jaǵdaılarda ushý-taktıkalyq jáne ushý-ádistemelik daıarlyq oqý-jattyǵý ushý daıarlyǵy baǵdarlamasyn tolyq oryndaı aldy. Kýrsanttar avıasııalyq ortalyq tájirıbeli nusqaýshylarynyń jetekshiligimen oqý materıaldyq tabysty meńgerip, ushý-nusqaýshylar qura­myna ózderiniń mashyqtaný deńgeıi men bilimderin kórsete bildi. Ushý-tájirıbelik kýrsyn qoryta kele birikken eskadrılıanyń komandıri 3-synypty ushqysh maıor Ermek Seıdahmetov: «tek qajyrly eńbek pen jarǵylyq talap, ushý sheberligin zerdeleýdegi ynta-jiger ǵana ushý isindegi tabystyń negizi bolyp tabylady», – dep atap ótti. «Egemen-aqparat».