Jıyndy ashqan Nurlan Ábdirov Parlament depýtattarynyń kezekten tys saılaýy ótken jyldyń maýsym aıynda respýblıkalyq referendýmda jalpyhalyqtyq daýys berýden bastalǵan úlken saılaý sıklin aıaqtaıtynyn aıtty.
«Saılaýdy ótkizýdiń jańa formaty azamattardyń saıası proseske qatysý múmkindikterin edáýir keńeıtti jáne tutastaı saılaý salasyn jandandyrdy. Parlament Májilisiniń barlyq 98 depýtaty tikeleı saılaý quqyǵy negizinde saılandy, ıaǵnı tikeleı azamattar saılady», dep atap ótti OSK tóraǵasy.
Ol sondaı-aq «Qazaqstan Respýblıkasynyń Parlamenti jáne onyń depýtattarynyń mártebesi týraly» Konstıtýsııalyq zańnyń 24-babyna sáıkes Parlament depýtatynyń ókilettigi ony Ortalyq saılaý komıssııasy Parlament depýtaty retinde tirkegen kezden bastalatynyn atap ótti.
Parlament Májilisiniń VIII shaqyrylymy depýtattaryn tirkeý týraly Ortalyq saılaý komıssııasy Qazaqstan Respýblıkasy Parlamenti Májilisiniń VIII shaqyrylymy depýtattaryn tirkeý máselesi boıynsha tıisti sheshimderdiń jobalaryn ázirlegenin habarlaǵan OSK hatshysy Muhtar Erman baıandama jasady. Osylaısha, OSK qaýlylaryna sáıkes Parlamenti Májilisiniń VIII shaqyrylymynyń 98 depýtaty tirkeldi. Onyń ishinde tirkelgen alty saıası partııanyń partııalyq tizimderi boıynsha 69 depýtat («Amanat» partııasy – 40, «Aq jol» Qazaqstan Demokratııalyq partııasy – 6, «Aýyl» partııasy – 8, Qazaqstan Halyq partııasy – 5, «Respublica» partııasy – 6 jáne JSDP – 4 depýtat) jáne 29 depýtat birmandattyq aýmaqtyq saılaý okrýgteri boıynsha saılandy.
OSK tóraǵasy Nurlan Ábdirov depýtattarǵa respýblıkanyń joǵary ókildi organynda el ıgiligi úshin jemisti jumys tileı otyryp, kýálikter men tós belgilerdi tapsyrdy.
