Bul jańadan saılanǵan depýtattardyń birinshi jalpy otyrysy.
«Qazaqstan halqyna adal qyzmet etýge, Qazaqstan Respýblıkasynyń tutastyǵy men táýelsizdigin nyǵaıtýǵa, onyń Konstıtýsııasy men zańdaryn múltiksiz oryndaýǵa, maǵan júktelgen depýtattyq joǵary mindetterdi adal atqarýǵa ant etemin», dedi jańadan saılanǵan depýtattar.
Aıta keteıik, elimizde 2023 jyldyń 19 naýryzynda Májilis pen barlyq deńgeıdegi máslıhattar depýtattarynyń saılaýy ótti.
«Aq jol» Qazaqstan demokratııalyq partııasy - 6, «AMANAT» partııasy - 40, «Aýyl» Halyqtyq-demokratııalyq patrıottyq partııasy - 8, Jalpyulttyq sosıal-demokratııalyq partııasy - 4, «Qazaqstan Halyqtyq partııasy» - 5 jáne «Respublica» - 6 mandat aldy. Sonymen qatar Májilis depýtattarynyń tolyq tizimi jarııalanǵan edi.
28 naýryzda OSK partııalyq tizim boıynsha VIII shaqyrylymdaǵy Májilis depýtattaryn tirkedi. Tıisti qaýly qabyldanǵannan keıin depýtattarǵa kýálikter men tósbelgiler tabys etildi.
