Aımaqtardy arshyndatqan Astananyń adymy

Astana men Sozaq

Astananyń salynýy – el ómirindegi asa iri tarıhı oqıǵa, Qazaqstan halqynyń mereıli merekesi. Tarıh ólshemimen qaraǵanda qas-qaǵym sát bolyp kórinetin az ǵana jylda qazaq halqy ǵasyrlarǵa bergisiz joldy júrip ótti. О́z astanasyn tuńǵysh ret ózi anyqtaǵan jas memleket sol elordasyn sáýletti de sándi shaharǵa aınaldyrdy. Asqaq arý Astana – Mem­le­ket basshysy Nursultan Nazar­baevtyń bolashaqty boljar kemel kóregen saıasatynyń jemisi. Beıbitshilik pen kelisim saraıynda elordamyzdyń on bes jyldyq mereıtoıyna arnalǵan saltanatty jıynda Memleket basshysy Nursultan Nazarbaev sóz sóılep, halqymyzdyń keshegisi men búgini, bolashaǵy týraly, eldiń ortalyǵyn Qazaqstannyń qaq júregine – Saryarqanyń saıyn dalasyna kóshirýdiń tarıhı mańyzy týraly oı terbegen bolatyn. Biz ǵasyrlar toǵysynda táýel­siz jańa memleket ornatyp, baı­taq elimizdiń dál ortasynan bas qalamyz – Astanany saldyq. Búginde álemdik qaýymdastyq úshin Qazaqstan men Astana ataý­lary egiz uǵymǵa aınalyp ketti. Bul uǵym qaryshtap damý men óristi órkendeýdiń ónegeli úlgisi retinde ornyqty. Bizder, qazaq­standyqtar, Astanany asqaqtatý arqyly dúnıe júzi­ne ózimizdiń keleshegi kemel, áleýeti qýatty memleket ekeni­mizdi tanyttyq. Osydan týra 20 jyl buryn, 1994 jyldyń 6 shildesinde Parlament qabyl­daǵan sheshim shyn máninde tarıhı da taǵdyr­sheshti sheshim boldy. Bul sheshim táýelsizdiktiń alǵashqy jemisteri ǵana emes, jas memleketimizdiń tuńǵysh jeńisteriniń de biri edi. Osy jyldar ishinde álemge tanyl­ǵan Astana Qazaqstandy da álemge áıgili etti. Saryarqa tósinen boı kótergen Astana búginde elimizdiń maqtanyshyna, dalamyzdyń kórkine aınalyp otyr. Biz elimizdiń astanasyn Almatydan Aqmolaǵa aýystyr­dyq, elordany Alataý baýyrynan Arqa tósine kóshirdik dep aıta salý azdyq etedi. Shyn máninde, biz elimizdiń jańa bas qalasyn turǵyzdyq. Sol arqyly is júzinde jańa memleket qurýǵa kiristik. Halqymyz jańa da jas memleketiniń astanasyn óziniń qalaǵan jerine, óziniń qalaýy boıynsha ornatty. Eń bastysy, óziniń kindik qalasynyń qurylysyna bilek sybanyp, bar kúsh-qaıratyn, ynta-jigerin saldy. Ár kóshege, ár úıge júrek meıirin, perzenttik súıispenshiligin, jan jylýyn jumsady. Astana osylaısha halqymyzdyń aıaly alaqany, ystyq meıirimimen turǵyzyldy. Sondyqtan da, bul qala bárimizge erekshe qymbat, aıryqsha aıaýly. Bodandyqqa túsken sońǵy eki jarym ǵasyrda qazaq halqy eshqashan óz astanasyn óz betimen belgilep, osylaı máńgilik orta­lyq­qa aınalar ordasyn ózi aı­qyn­daǵan emes. Tasyn túrtseń tarı­h­y oıanatyn qart Qarataýdyń tósindegi áýlıeli Sozaq shahary da jylnamalar tizbeginde Kereı men Jánibek handar qazaq eliniń basyn biriktirgende astana bolǵan kıeli kent. Qazaq halqynyń alǵashqy astanasy bolǵan Sozaq óńiri bul kúnde jańa Astanadan jiger alǵandaı jarysa jandanýda. О́tken jyly aýdanymyzdyń jalpy bıýdjet bergen kirisi 57 mlrd. 997 mln. teńge bolsa, taýar­ly ónim óndirý kólemi 184 mlrd. 264 mln. teńgeni qurady. Aýdanymyz buryn artta qalǵan otyz aýdannyń ishinde bolsa, bul kúnde kúnnen-kúnge gúldenip, oblysta aldyńǵy qatarly aýdandar qataryna ilikti. Qazirgi Sozaq aýdanynyń ortalyǵy Sholaqqorǵanda nebir shańqan da eńseli úı-jaılar, má­denı-áleýmettik nysandar saly­nyp úlgerdi. Sozaqtyń ózge kentteri de elordamyzǵa elik­teıdi. «Qazatomónerkásip» ulttyq kompanııasynyń Sozaqtaǵy ýran óndiretin kásiporyndary aý­dany­myzdyń áleýmettik jaǵdaıyn ór­kendetýge orasan zor úles qosýda. Táýelsizdiktiń negizgi máni tarıhtyń jańa betin óz erkiń­men, óz sheshimińmen bastaýda bolsa kerek. Táýelsizdik bizge jańa jolymyzdy, ózimizdiń sony soqpaǵymyzdy tabýǵa zor múmkindik usyndy. Sol jańa jolymyzdy biz Astana arqyly taptyq. Qazirgi kezde Astana bizdiń keleshegimizge qatysty mańyzdy sheshimder qabyldaıtyn memleketi­mizdiń saıası ortalyǵy ǵana emes, ulttyq rýhymyzdy uıytyp otyrǵan rýhanı ordamyzǵa da aınaldy. Keshegi ótken zamandarda atamekenin aq naızanyń ushymen, aq bilektiń kúshimen qorǵap ótken halqymyz búgingi beıbit básekede de namysqa shaba bildi. Jasampazdyq isterde jasqanbaı, ata-baba amanatyna adaldyǵyn tanytty. О́rkenıet kóshine erkin qosylǵan ult retinde bilimdilik te, biliktilik te, bilektilik te, júrektilik te kórsetip, syn saǵatta syr bermedi halqymyz. Astana búginde jahandyq basqosýlardyń ortalyǵyna aınaldy. Jaqynda ótken VII Astana ekonomıkalyq forýmyna birqatar memleket basshylarynyń kelýi qazaqtyń eldigi men onyń basshysyna degen úlken qurmet dep bilemin. Olardyń qaı-qaısysy da Astanany kóshirý týraly she­shim­niń geosası, áleýmettik-eko­nomıkalyq, rýhanı-tarıhı turǵy­dan alysty boljaǵan sheshim bolǵanyn aıtýda. Qazaq eliniń qaq júreginde turǵandyqtan da toǵyz joldyń torabyna aınalyp, kózdegen údeden shyqqan As­tana osy múmkindikterdiń arqa­synda búgingi bıikti entikpeı baǵyndyrdy. Sóıtip, ol ózine júktelgen tarıhı mindetterdi aq­tady. Endigi jerde Táýelsiz eli­mizdiń eldigi men birliginiń, jar­qyn bolashaǵynyń kepili bol­­maq. Qarqyndy damyp kele jat­­qan memleketimizdiń ósip-ór­ken­deýi men halqynyń turmys jaǵ­­­daılarynyń jaqsarýyna bú­ginde qurylǵanyna 80 jyl to­lyp otyrǵan aýdanymyzdyń da qosqan úlesi zor. О́nerkásibi da­my­ǵan agrarly aýdan ekono­mı­ka­synyń barlyq salalarynda ońdy ózgerister men jetistikter az emes. Aýdannyń ortalyǵynda ǵana emes, barlyq aýyldarynda turǵyn úıler salynyp, kósheler asfalttalyp, jaryqtandyrylyp, joldar jóndelýde. Saıabaqtar, saıajoldar sáýlettendirilýde. Ásem ǵımarattar boı kóterýde. Osynyń barlyǵy Elbasynyń kóregen saıasatynyń, ony qoldaı bilgen halqymyzdyń danalyǵy ekendigi daýsyz. Osydan birshama jyl buryn ekonomıkasy turalap, aýyl sharýashylyǵy toqyraýǵa ushyraǵan, ónerkásibi múldem kenjelep qalǵan aýdanymyzdyń qazirgi tańdaǵy qol jetkizgen jetistikterin árbirimiz maqta­nysh­pen aıta alamyz. Astanaǵa Sozaqtyń ardager­leri de, orta býyn ókilderi de, jas­tar da jıi saparlaıdy. Qazaqtyń arǵy-bergi tarıhyn­da Ordabalyq, Sýıab, Taraz, Balasaǵun, Syǵanaq, Jent, Saraıshyq, Túrkistan sııaq­ty qalalarda ordaly jurt­tyń týy tigilgen. Ertedegi er Edigeden bas­tap, aıbyndy Abylaıǵa deıingi handardyń kóbi osy Esil boıynda orda tikkenderi tegin bolmasa kerek. Sondyqtan da, búginde Astananyń dál irgesi­nen tabylǵan Bozoq qalasy mańy­nan Memleket basshysy «Qazaq eli» monýmentin saltanatty túrde ashyp, bul keshenniń endi qazaqstandyqtar taǵzym etetin bas eskertkishi bolatyndyǵyn basa aıtty. Elbasynyń arnaıy tapsyrýymen boı kótergen eskert­kishtiń bıiktigi – 91 metr. Bul Qazaq­stan táýelsizdik alǵan 1991 jylmen baılanysty, stellanyń ushar basyndaǵy Samuryq qus erkindiktiń, kúsh-qýattyń, teńdik pen tákapparlyqtyń sımvoly. Irgesi berik, shańyraǵy bıik Qazaq eliniń jıyntyq beınesi. Astananyń arqasynda biz eldiń ıesi, jerdiń kıesi kim ekenin álemge aıqyn tanyttyq. Barsha qazaqstandyqtardy ortaq múdde jolyna barynsha uıystyryp, ulttar men ulystardy jumǵan ju­dy­ryqtaı jumyldyra bil­dik. Astananyń arqasynda qa­zaq burynǵydan da bekem biri­ge tústi. Mine, elordaǵa baryp qaıt­qan sozaqtyqtar osynaý jaǵ­daı­lar­dyń bárin biledi, maqtan tutady. Eldiń eńsesi tikteldi, rýhy kóterildi. Elbasymyzdyń Jol­daýynda ózi atap kórsetkenindeı, el damýynyń «jasyl» jolyna kóshýde EKSPO-2017 qýatty serpilis berýi tıis. Astanada ǵylym men tehnıkanyń úzdik álemdik jetistikteri usynylatyn bolady. Bul úlken de úlgili iske sozaqtyqtar da úles qosady. Amanǵalı AIMURZAEV, Sozaq aýdanynyń ákimi. Ońtústik Qazaqstan oblysy.

Ekotaksı – zamanaýı kólik

Byltyrǵy jyldyń aıaǵynda Astanada «Ekotaksı» qyzmeti tusaýyn kesip, elordalyq jolaýshylar ekologııalyq otynmen júretin kólikterdiń qyzyǵyn kóre bastaǵan bolatyn. Jobanyń maqsaty elordada ekologııalyq otynmen júretin kólikterge arnalǵan iri taksı parkin ashý jáne Astanaǵa kelimdi-ketimdi kisilerge qoǵamdyq qyzmettiń zamanaýı túrin usyný edi. Elbasy «Qazaqstan-2050» Stra­te­gııasy – qalyptasqan memle­ket­­­tiń jańa saıası baǵyty» atty Jol­daýynda «Eldiń damýdyń «jasyl» jolyna kóshýine Astanadaǵy al­da turǵan EKSPO-2017 qýatty ser­pi­lis berýi tıis. Astanada ǵylym men tehnıkanyń úzdik álemdik je­tis­tikteri usynylatyn bolady. Kóptegen qazaqstandyqtar biz qol sozyp otyrǵan «bolashaqtyń ener­gııasyn» óz kózimen kóre alady», – dep atap kórsetken bolatyn. Osy mindetti júzege asyrý maq­sa­tynda «Astana Green City», «Astana Mobility» jáne «Welcome to Astana» atty úsh mańyzdy jo­ba qolǵa alyndy. «Astana Mobility» jo­basynyń aıasynda osy «Eko­taksı» qyzmeti dúnıege kelip, ol 2013 jyldyń jeltoqsan aıynda Memleket basshysyna usynyldy. Bul jobany Prezıdent qoldap, ózi osy taksoparktiń alǵashqy jolaýshysy atandy. Ekologııalyq taza kólikterdiń tusaýkeserinde sóz sóılegen Elbasy bul jobany iske asyrý EKSPO-2017 halyq­ara­lyq kórmesin ótkizýge qala ınf­ra­qurylymyn daıarlaýdaǵy al­ǵash­qy qadamdardyń biri ekenin atap ótken edi. Qazirgi tańda barsha álemdi ekologııalyq másele alańdatyp otyrǵany belgili. Dúnıejúziniń jasyl ekonomıkaǵa kóshe bas­taýy da sondyqtan. Elimizge úlken jaýapkershilik retinde júktelip otyr­ǵan EKSPO kórmesiniń ta­qy­ryby da bolashaq energııa­sy. Iаǵnı, qaýipsizdik jaǵynan bar­lyq talaptarǵa saı keletin, qor­shaǵan ortaǵa zııany tımeıtin, ózi únemdi energııa bul. Ǵalamshardy tolǵan­dyryp otyrǵan máseleni ózek etken elimizdiń ózi de ózgege úlgi retin­de birtindep «jasyl» jolǵa kóshe bastaýy kerek. «Ekotaksı» de osy maqsatty jú­ze­­ge asyrýdyń bir joly. Takso­­park basshylyǵynyń aıtýyn­sha, mundaı jobanyń balamasy Ortalyq Azııada joq kórinedi. Bul elimizdegi taksı parki salasyndaǵy bıznestiń damýyna jańa serpin beredi deıdi olar. «Ekotaksı» qyzmeti iske qosyl­­ǵanda, ońtústikkoreıalyq «SsangYong Kyron» markaly 100 avto­kóligi jolǵa shyqty. Endi bul san 2017 jylǵa qaraı 500-ge jet­kizilmek. Al bıyl Astana kúni­ne qaraı «Peugeot Partner Tepee» mar­­kaly 70 avtokóligin iske qosý kóz­delýde. Sondaı-aq, zamanaýı taksopark qurylysyn salý, te­mirjol vokzaly, «Han Shatyr» SO, «Kerýen» SO alańdaryndaǵy av­to­turaqtarda ekotaksılerge ar­nal­ǵan oryndar ashý josparlanyp otyr. Jalpy, ekotaksıler ekologııa­lyq jaǵynan ǵana emes, qaýipsizdik jaǵynan da taptyrmaıtyn kólikter. О́zi suıytylǵan gazben júredi. Baǵasy benzınge qaraǵanda eki ese arzan. Taksı salonynyń ishinde jo­laý­shylarǵa jaıly jaǵdaıdyń bári jasalǵan. Atap aıtqanda, taksı­diń qaıda júrgenin dıspetcherler monı­tor arqyly baqylap otyrady. Sonyń arqasynda ekotaksıdi shaqyrǵan jolaýshylar kólikti kóp kútpeıdi. Júrgizýshi demekshi, «Ekotaksı» qyzmetine jumysqa alynǵan azamattardyń kólik júr­gizý­degi tájirıbesi ǵana emes, onyń syrtqy túr-kelbeti de tartymdy bolýy kerek eken. Taksıdiń qunyn taksometr eseptep shyǵarady. Bul – júrgen jolyńyzdyń qashyqtyǵyna baılanysty. Negizgi tarıf, ıaǵnı 5 km.-ge deıin – 750 teńge. Eger baratyn jerińiz osy qashyqtyqtan asyp ketse, ár kılometrine 120 teńge tóleısiz. Jolaı dúkenge nemese dárihanaǵa, basqa da oryndarǵa kirip-shyǵýǵa bolady. Taksıdiń 10 mınýt kútkeni tegin. Odan asyp ketse, ár mınýtyna 28 teńge tóleýge týra keledi. Aeroporttan alyp kelý – 2700 teńge. Árıne, qaladaǵy «jabaıy taksımen» salystyrǵanda, bul arzan baǵa emes. Esesine, qaýipsizdigińiz 100 paıyz saqtalady. «Ekotaksı» qyzmeti iske qosyl­ǵan kúnnen búginge deıingi merzimde 70 myń tapsyrys kelip túsip, sonyń 59 800-i oryndalǵan eken. Kúnine jelige 90 kólik shyǵady. Sonyń 65-i – kúndiz, 25-i túnde jumys isteıdi. Ár ekıpaj bir aýysymda orta eseppen 15 tapsyrys oryndaıdy eken. Jolaı alyp ketetin jolaýshylardy eseptemegendegi san bul. «Ekotaksıge» qyzmetke turǵysy kelgenderge talap qatal dep joǵaryda aıttyq. Sonyń áseri bolar, búginge deıin 600 adammen áńgimelesý júrgizilip, 180 júrgizýshi jumysqa qabyldanǵan eken. Qazir 80-i jumysyn jalǵas­tyryp jatyr. Búginde ekotaksılerdiń 26-synda tólem qabyldaý termınaly or­natylǵan. «Barlyq kóligimizge de ter­mınal ornatar edik, biraq bank­ter­de bul qondyrǵy jetispeıdi eken. Degenmen, bıyl ekinshi toq­san­­nyń ishinde qalǵan taksılerdi ter­­mınalmen jabdyqtaý jóninde bank­­pen kelisimge keldik», – deıdi takso­park basshylyǵy. Aıtpaqshy, osy jyldyń 1 maýsymyna deıin eko­taksı­lerge Wi-Fi núktesin ornatyp, jo­laýshylardy symsyz tegin ǵa­lam­tormen qamtamasyz etý jos­parlanyp otyr. Qymbat TOQTAMURAT, jýrnalıst.

Ortalyq saıabaqtyń jańa shejiresi

Qala kúni qarsańynda «Astanalyq» demalys jáne mádenı ortalyq saıabaǵynyń ashylýy kópten kútken jańalyqtyń biri bolatyny sózsiz. Qala tarıhymen birge jasasqan kóne saıabaqtyń jańa shejiresiniń bastalýy aıtýly oqıǵa retinde atalyp ótilmek. Atalmysh saıabaq endi jańa zamanaýı tehnıkalyq jetistiktermen qala turǵyndaryna qyzmet kórsetpek. Saıabaqtyń ortalyq serýen­joly boıymen uzynnan sozyl­ǵan «Ýaqyt ózeni» óz bastaýyn saǵat ornatylǵan stella mańy­nan ala otyryp, tarıh pen qa­zir­gi zamannyń túıisken tusy­na balanǵan «Qazaqstan kúni» monýmentine kelip quıady. Osy­laı­sha, urpaq sabaqtastyǵy aıqyn kórinis tabady. Osyǵan oraı, saıa­baqtyń saltanatty ashylý rásimi «Ýaqyt ózeni» degen ataýǵa ıe bolyp otyr. Astanaǵa bıyl – 16 jyl. Osyǵan baılanysty «Astana­lyq» saıabaǵynyń ashylý saltanatynda 16 jasqa tolǵan bozbalaǵa saıabaq atynan sımvolıkalyq kilt tabys etiledi. Jas astana óz qurdastaryn qabyl alady jáne moıyndaıdy. Oǵan jas urpaq ókili retinde senim jáne úlken úmit artady. «Astanalyq» ortalyq saıabaǵy ashylý saltanatyna ómirimizdi túrli áserge bóleıtin sportshylar, ártister men bıshiler qatysady. Jańa astanalyq saıabaq – ja­­ńar­­­ǵan arhıtektýramen úı­le­sim tapqan art-element­termen ór­nek­telgen jańa qury­lym. Saıa­baqta qyzyqty ári zamanaýı tehnologııalyq arhıtek­týra arqasynda qolóner sheber­leri kórmesi, qazirgi zaman­ǵy sýret­shilerdiń túrli art-ınstallıasııa men art-zattary qolaıly ornalasady. Saıabaqtyń ashylý saltanaty ótken soń, 5-7 shil­de kúnderi «Balalyq shaq kem­pirqosaǵy» oıyn-saýyq baǵ­dar­lamasy iske qosylady. Baǵ­dar­lama aıasynda jandy mú­sinder kelýshilerdiń kóńilin aýlaıtyn bolady. Sonymen birge, otbasylyq estafeta, rolık, skeıtbord, velosıped tebý oıyndary uıymdastyrylady. Jáne hendmeıker sheberleriniń buıymdary qoıylatyn saýda aımaqtary uıymdastyrylady. Negizgi sahnada zamanaýı ujymdardyń qatysýymen mýzykalyq baǵdar­lama ótkiziledi. Dál osy jerde «Alma» otbasylyq festıval baǵdarlamasy óz jumysyn bas­tamaq. Sýretshilerdiń je­tek­­shiligimen kelýshiler óz qol­darymen festıval kórkin ashatyn art-zattar jasaı alady. Merekeniń kórigin biregeı «jasyl» kınokórsetilim qyzdyr­maq. Qonaqtar júrekterge jol tapqan qyzyqty fılmderdi tegin tamashalaı alady. Alaıda, kıno­seansqa kelýshiler birden qyzyqqa enip ketpeı, tegin fılm kórý úshin ter tógedi. Iаǵnı kınoproek­tor men aýdıojúıeni elektr qýa­ty­­men qam­tamasyz etý úshin dı­zel­­di ge­ne­rator emes, kórer­men­­der­­diń proektor tep­kisin (pedal) aı­nal­dy­rýy nátı­jesinde kelý­shi­lerdiń de­ne kúshi paıdalanylady. Uıym­d­as­tyrýshylar bar­sha qala tur­ǵyn­daryn qaıta túr­len­gen saıa­baq­ty tamashalaýǵa jáne «Asta­na­­lyq» demalys jáne má­de­nı or­ta­lyq saıabaǵynyń mere­ke­­lik ba­ǵ­darlamasyna qatysý­ǵa shaqyrady. Ulbosyn RAQAEVA, Astana kúnin ótkizý jónindegi uıymdastyrý komıteti medıa-shtabynyń úılestirýshisi.

Aýyl muǵaliminiń qolóner buıymdary

astanalyqtar arnaıy tapsyryspen aldyratyn taýarǵa aınalýda

Aýyl muǵalimi Eldos Ydyrys bos ýaqytynda qolónermen aınalysýdy kásip etedi. Aǵashtan kádesyılar, estelikter, dombyra men qobyz sekildi ulttyq aspaptar jasaıdy. Aýyl ustazynyń qolynan shyqqan týyndylarǵa suranys ta joǵary. Almaty, Astana, Qaraǵandy qalalarynan arnaıy tapsyrys berip aldyratyndar da bar. Eldos Amanýllauly Kentaý qala­syna qarasty Qusshy ata aýy­lyndaǵy Tórtkúl-tóbe mektebiniń muǵalimi. Orys tilinen jáne eńbek sabaǵynan dáris beredi. Eki pándi bir-birinen bóle-jara qaraǵan emes. Ekeýi de janyna jaqyn. Balalardy ózindik tásilderimen qyzyqtyryp otyrady. – Alǵash ret orys tili maman­dyǵyn meńgerdim. Qazirgi kezde aýdarma isimen de aınalysamyn. Oqýshylarǵa orys tilin meńgerseńder erteńgi kúni aýdarmamen aınalysyp, aqsha tabýǵa bolatynyn ári ózderiniń de til meńgerý jaǵynan saýaty artatynyn aıtyp qyzyqtyramyn. О́mir­lik tájirıbelerimmen bólisemin. Qolónerge jaqyn bolǵandyqtan kásiptik bilimdi meńgerdim. Eńbek sabaǵynda oqýshylarmen aǵash­tan túrli zattardy jasaımyz. Sta­noktardy paıdalanyp oıý-oıamyz, aǵashtardy árleımiz, – deıdi sheber. Eldostyń jasaǵan kádesyı­larynyń baǵasy asa qymbat ta emes. 500 teńge men 5000 teńge­niń aralyǵynda. Keıbir buıym­dar arnaıy tapsyryspen tutyný­shylaryna jetkizilse, qalǵandaryn jeńil kóligine salyp alyp úlken qalalarǵa tasıdy. Kóterme baǵamen kelisip, ótkizýge tyrysady. Memlekettik «Bir salaly sha­ǵyn qalalardy damytýǵa» engen Kentaý qalasynda óńirde joq ómirlik jobalarǵa arnaıy granttar berilýde. Eldos ta bıznes-josparyn jasap, jobaǵa qatysty. Nátıjesinde 2 mln. 300 myń teńge qaıtarymsyz qar­jyny ıelendi. Onyń 1 mln. 700 myń teńgesine sheberhanaǵa qajetti qural jabdyqtar, stanoktar satyp alǵan. – Memlekettik baǵdarlamanyń aıasynda zamanaýı stanoktarǵa qol jetkizdim. Iаǵnı, bir stanoktyń ózinde 3-4 jumysty qatar atqarýǵa bola­dy. Máselen, aǵashty tiledi, jona­dy, kesedi jáne astyńǵy, ústiń­gi qyrlaryn salyp beredi. Buryshtap kesetin stanok ta bar. Kádesyılardyń túbine deıin tazalaıtyn bor mashınka aldym. Úsh-tórt adamnyń jumys isteýine qajetti qurylǵylarǵa qol jetkizdim. Taǵy eki stanokqa tapsyrys berip qoıdym. Solardy alsam sheberhanam 100 paıyzǵa jabdyqtalady. Qazirgi kezde qalalyq jumyspen qamtý bólimi arqyly jumyssyzdar arasynan qolynan is keletin azamattardy izdestirýdemin. Úsh-tórt adamdy turaqty jumyspen qamtý oıymda bar, – deıdi Eldos Amanýllauly. Búgingi kúni Eldos mektepten arnaıy úıirme ashqan. Onda balalardy eńbekke baýlyp, aǵashtan túrli buıymdar jasaýdy úıretedi. Sheber maıda jumysqa kelgende jastardyń shydamdylyǵy jetispeıtinine nalıdy. Sebebi, alǵashynda qyzyǵýshylyqpen kelgen 20-30 baladan qazirgi kezde bes-altaýy ǵana úıirmege turaqty kelip turady eken. О́ziniń uly Dinmuhammed te ákesiniń jolyn qýǵan sýretshi. Jas sýretshiler arasynda ótken oblystyq jarystarǵa qatysyp, júldeli oryndardy jeńip alypty. Qaırat ZAINIShEV. Ońtústik Qazaqstan oblysy.

Betti ázirlegen Jylqybaı JAǴYPARULY,  «Egemen Qazaqstan» .