Ulttyq qor esebinen ekonomıkanyń ósýin yntalandyrý sharalary júrgiziledi

ASTANA. 1 shilde. Ulttyq qordan bólingen 1 trıllıon teńgeniń kómegimen ekonomıkany saýyqtyrýdyń qosymsha yntalandyrý sharalary júzege asyrylady. Bul týraly «QazAqparat» habarlady. Ortalyq kommýnıkasııalar qyzmetinde ótken brıfıngte Ekonomıka jáne bıýdjettik josparlaý mınıstri Erbolat Dosaev: «Memleket basshysynyń tapsyrmasyna sáıkes, Ulttyq qordan bólingen 1 trıllıon teńge esebinen ekonomıkanyń ósýin qosymsha yntalandyrý sharalary qamtamasyz etildi. Bıyl ekonomıkalyq ósýdi qamtamasyz etýge 500 mlrd. teńge bólinip otyr. Onyń ishinde shaǵyn jáne orta bıznesti qoldaýǵa 100 mlrd. teńge, bank sektoryn saýyqtyrýǵa 250 mlrd. teńge jáne ındýstrııalyq-ınnovasııalyq damý jobalaryn iske asyrýǵa 150 mlrd. teńge jumsalady», – dedi. Ekonomıka jáne bıýdjettik josparlaý mınıstriniń sózine qaraǵanda, ulttyq qordan bólinetin teńgeni tıimdi paıdalaný úshin Úkimet birqatar halyqaralyq qarjy uıymdarymen kelisimge kelgen. Erbolat Dosaev: «Birqatar halyqaralyq bankter ekonomıkanyń negizgi salasyndaǵy ınvestısııalyq jobalar men basym baǵdarlamalardy birlese qarjylandyrýdy qamtamasyz etedi. Birlese qarjylandyrýdyń jalpy mólsheri 7,5 mlrd. dollarǵa deıin jetedi», – dedi. Joldybaı Bazar. Derekkóz: «QazAqparat». Foto: remarka.kz.