Qoǵam • 29 Naýryz, 2023

Teleserıaldar baıqaýy

515 ret

kórsetildi

5 mın

oqý úshin

Keıingi jyldary otandyq tarıhı serıaldar jıi túsirilip jatqanyn kórermen qaýym jaqsy biledi. Osy oraıda bıyl otandyq serıal kontentti kásibı turǵyda baǵalaıtyn «Nauryz» ulttyq báıgesi Aqparat jáne qoǵamdyq damý mınıstrliginiń qoldaýymen alǵash ret ótkizilip otyr. Dúbirli dodaǵa qatysý úshin búginge deıin Nauryz-awards.kz saıtyna 250-den asa ótinim kelip túsken. Teletýyndylar túrli taqyryp pen kezeńdi qamtıdy. Kúni keshe ǵana shyǵarmashylyq baıqaýda jeńisten úmittiler iriktelip, short-lıst jarııalandy.

Marjan ÁBISh

Aıta keteıik, alaman báıgege 2021 jylǵy 1 qańtar – 2022 jylǵy 31 jeltoqsan aralyǵynda qazaqstandyq telearnalardyń efırine, YouTube arnasynda shyqqan serıaldar jáne serıal kontentin jasaýshy shyǵarmashylyq toptar men akterler quramy – barlyǵy 13 atalym boıynsha qatysyp jatyr.

Atalǵan baıqaý serıaldyq kontentti damytýdy qoldaý, otandyq jáne halyqaralyq onlaın platformalarda qazaqstandyq telehıkaıalardy teledıdar kórermeni arasynda tanymal etý maqsatynda uıymdastyrylyp otyr. Bul, árıne, az qarjyǵa túsiriletin teleserıaldar úshin úlken kómek.

Quramynda tájirıbeli rejısserler, prodıýserler men elimizdiń shyǵarmashylyq ıntellıgensııasynyń ókilderi bar qazylar alqasy úzdik jumystardy anyqtady. Marapattaý rásimi qarsańynda qazylar «Nauryz» ulttyq teleserıaldar báıgesiniń nomınanttar tizimin jarııalady. Sonymen, ulttyq báıgeniń short-lıstine 52 nomınant endi.

Atap aıtsaq, «Úzdik tarıhı serıal» – «Qanysh. Qazyna» («Qazaqstan» ulttyq arnasy), «Qyzyl jebe» («Almaty» telearnasy), «Mánshúk» («Habar» telearnasy), «Mirjaqyp. Oıan, Qazaq!» («Qazaqstan» ulttyq arnasy);
«Úzdik dramalyq serıal» – «Aqjaýyn» («Qazaqstan» ulttyq arnasy), «Birge bol» («31 arna»), «Raýza. Sakýranyń gúldeýi» («Habar» telearnasy), «Shanhaı» («KTK» telearnasy);
«Úzdik komedııalyq serıal» – «Baja» (Salem Social Media), «Kelinjan» («Habar» telearnasy), «Kúıeý bala» («Qazaqstan» ulttyq arnasy), «Patrýl» («NTK» telearnasy);
«Úzdik veb-serıal» – «Appaq kelin» (Salem Social Media), «Oına» (GAKKU telearnasy), «Serjan Bratan» (Salem Social Media), «5:32» (Salem Social Media);
«Úzdik akter» – Aıan О́tepbergen («Aqjaýyn» serıaly), Ábýnasyr Serikov («103» serıaly), Berik Aıtjanov («Angel-hranıtel» serıaly), Dýlyǵa Aqmolda («Serjan Bratan» serıaly);
«Úzdik aktrısa» – Aqbota-Nur Seıtmaǵambet («Baqyttyń kilti» serıaly), Anna Orazbaeva («Qanysh. Qazyna» serıaly), Darıǵa Badyqova («Kelinjan» serıaly), Janel Serǵazına («Nıanıa» serıaly);
«Ekinshi plandaǵy úzdik akter» – Ádiljan Shombalov («Patrýl» serıaly), Ǵanı Quljanov («Aqjaýyn» serıaly), Rústem Janyamanov («Kelinjan» serıaly), Nartaı Saýdanbekuly («Ahmet. Ult ustazy»);
«Ekinshi plandaǵy úzdik aktrısa» – Áıgerim Jańylbaeva («Medeýde kezdeseıik» serıaly), Zarına Karmen («Mirjaqyp. Oıan, Qazaq!» serıaly), Kamalııa Baıteleýova («Aq pen qara» serıaly), Raıhan Aıtqojanova («Qımyldaǵan qyr asar» serıaly);
«Úzdik rejısser» – Ernar Nurǵalıev («Kelinjan», «Habar» telearnasy), Erlan Nurmuhambetov («Qanysh. Qazyna», «Qazaqstan» ulttyq arnasy), Qanaǵat Mustafın («Taǵdyr tasy», «Kanaidar production» youtube), Murat Esjan («Mirjaqyp. Oıan, qazaq!» «Ahmet.Ult ustazy», «Qazaqstan» ulttyq arnasy);
«Úzdik ssenarıst» – Amır Amenov («Qanysh. Qazyna», «Qazaqstan» ulttyq arnasy), Bekzat Myrzahmetova («Mystan», Salem Social Media), Gúlnur Mamasarıpova («Kelinjan», «Habar» telearnasy), Maııa Iskakova («Nıanıa», Salem Social Media);
«Úzdik qoıýshy- operator» – Asqar Serikqazın («Áke men áke», «7 arna»), Baǵdat Arǵynov («SHEKER», «Serjan bratan», «5:32», Salem Social Media), Ernur Rysbaev («Aq pen qara», «Habar» telearnasy), Qazbek Ámirjanov («Jýsan ıisi», «Atameken Business» telearnasy);
«Úzdik montaj» – Aqan Musaqulov («Jenatıkı», «31 arna»), Baýyrjan Nurkeev («Qanysh. Qazyna», «Qazaqstan» ulttyq arnasy), Rahımjan Iаhıarov («Aq pen qara», «Habar» telearnasy), Tórebek Beısebaev («Aqjaýyn», «Qazaqstan» ulttyq arnasy);
«Úzdik saýndtrek» – «Kelinjan» («Habar» telearnasy), «Qanysh. Qazyna» («Qazaqstan» ulttyq arnasy), «Sheker» (Salem Social Media), «5:32» (Salem Social Media).

Eske salsaq, «NAURYZ–2023» ulttyq báıgesiniń jeńimpazdary 31 naýryzda belgili bolady. Olarǵa NAURYZ arnaıy músinshesimen birge 1 mıllıon teńge kólemindegi syıaqy tabystalady. Laýreattardy marapattaý rásimi Astana qalasy «Qazmedıa» ortalyǵynda ótedi. Is-sharaǵa Prezıdent teleradıokesheni, «Qazaqstan» RTRK jáne «Habar «Agenttigi» AQ, «Eýrazııa» birinshi arnasy» jáne «Altyn Qyran Foundation» qoǵamdyq qory demeýshilik kórsetip otyr.