Elimizdiń Dúnıejúzilik saýda uıymyna kirýi jónindegi kelissózder máresine jetti

ASTANA. 1 shilde. Elimizdiń Dúnıejúzilik saýda uıymyna kirýine baılanysty júrgizilip jatqan kelissózder aıaqtaldy. Bul týraly nur.kz habarlady. Atalǵan másele jóninde Ekonomıka jáne bıýdjettik josparlaý vıse-mınıstri Tımýr Jaqsylyqov Berlın Eýrazııalyq klýbynyń 10-shy otyrysynda: «2012 jyly klýbtyń 2-shi otyrysy aıasynda biz sharaǵa qatysýshylardy Qazaqstannyń Dúnıejúzilik saýda uıymyna kirýi boıynsha kelissózder úderisi jaıynda qulaǵdar ettik. Sol sátten bastap biz naqty progreske qol jetkizdik. Ekijaqty formatta júrgiziletin taýarlar men qyzmetter naryǵyna arnalǵan qoljetimdilik sharttary boıynsha kelissózderdiń aıaqtalǵanyn atap ótýge bolady», – dedi. Tımýr Jaqsylyqovtyń aıtýynsha,  taýarlar naryǵyna qoljetimdilik boıynsha 30 elmen kelissóz júrgizilgen. Bul kelissózderdiń aıaqtalǵandyǵy týraly hattamaǵa qol qoıyldy. О́tken kezeń ishinde elimizdiń Dúnıejúzilik saýda uıymyna kirýi jónindegi jumys tobynyń 18 otyrysy uıymdastyrylǵan. Onda zańnamalardaǵy ózgerister, Qazaqstannyń ishki kommersııalyq jáne saýda saıasatyna qatysy bar halyqaralyq kelisimsharttar talqylanǵan. Joldybaı Bazar. Derekkóz: nur.kz. Foto: bsr.org.