Mańyzdy ister kútip tur

Atap aıtqanda, azamattardyń ómir súrý sapasyn arttyrý jáne ál-aýqatyn jaqsartý, bilim berý, áleý­met­tik saıasat pen densaýlyq saqtaý sala­syndaǵy reformalardy tıimdi iske asyrý, zaman talabyna saı ádi­letti demokratııalyq memleket ınstıtýtyn qalyptastyrý baǵytynda alǵa qoıǵan maqsat-mindetterdi atqa­rý boıynsha qyrýar jumystar kú­tip tur.

Parlamentke ótken alty partııa­nyń ókilderi ózderiniń saılaýaldy baǵdarlamalary men halyqqa bergen ýáde­lerinde joǵaryda atalǵan eldegi jalpy áleýmettik-ekonomıkalyq máselelerdi sheshýdiń túrli joldaryn kórsetken bolatyn. Osy oraıda ár partııanyń ózderiniń saılaýaldy baǵdarlamalarynyń oryndalý sapasy qazaqstandyq qoǵamda saılaýshylar tarapynan qatal qada­ǵa­lanady. Bul óz kezeginde osy mer­zim­ge saılanǵan depýtattardyń qo­ǵam­dyq-saıası ómirdegi belsendiligi nemese ózderiniń baǵdarlamalary men ýádelerin oryndamaýy sózsiz birinshi kezekte partııanyń bedeline, ıaǵnı onyń kelesi elektoraldy kezeńge ótý-ótpeýine tikeleı áserin tıgizedi. Sondyqtan alty partııadan saılaýǵa túsken depýtattar úshin bul kezeń ha­lyq aldynda barynsha kózge túsip, el­diń damýynda óziniń barynsha úle­sin qosatyn múmkindikke toly synaq merzimi bolatyny anyq.

Nurken AITYMBETOV,

Fılosofııa, saıasattaný jáne dintaný ınstıtýtynyń

jetekshi ǵylymı qyzmetkeri, PhD