Buǵan deıin de kásipkerlikti qoldaýdyń túrli is-sharasy júzege asyrylyp keldi. Endi salanyń básekege qabilettiligin arttyrýǵa basa mán berilmek. Keshegi sózinde Memleket basshysy osyndaı ózgerister arqyly ekonomıkalyq saıasatqa ózgeris engizip, naqty máselelermen aınalysatyn kez jetkendigin ashyp aıtty.
Kásipkerlerge ortaq mekenimiz Qazaqstannyń bolashaǵyn birge qurýǵa úndegen Memleket basshysy bul jolda iskerlerge memleket tarapynan qoldaý kórsetiletinine kepil bolyp otyr. Endi bıýdjetten qarjylandyrylatyn aýqymdy jobalardy eń aldymen otandyq kásipkerler júzege asyrýǵa tıis. Mundaı qoldaý kásipkerlerdi qanattandyra túsedi.
Bıyldyń ózinde Qyzylorda oblysynda 250-den astam jas pen 600-den astam aýyl azamaty 2,5 paıyzben nesıe alady dep josparlanyp otyr. Ol úshin óńirge respýblıkalyq bıýdjetten 4,3 mlrd teńge bólindi. Bul aýyl tirshiligin jandandyryp, salaǵa tyń serpin beredi.
Qaı saladaǵy bastama da birden júzege asyp kete qoımasy belgili. Osy oraıda kásipkerler de Memleket basshysynyń shaǵyn jáne orta bıznesti ekonomıka men eńbek naryǵynyń qozǵaýshy kúshine aınaldyrý bastamasyna úles qosady dep senemiz.
Pirmuhammed SYZDYQOV,
Qyzylorda oblysy
Kásipkerler palatasynyń
dırektory
