Baıqaý synaǵy Pedagogterdiń bilimin baǵalaýǵa (budan ári – PBB) daıyndalýǵa kómek retinde ázirlendi. Ustazdarǵa UTO saıtynda https://prob-teacher.testcenter.kz/ siltemesi boıynsha tegin onlaın testileýden ótý múmkindigi beriledi. Ol úshin tek JSN terip, test túrin tańdap, baıqaý synaǵyna kirisý kerek.
«Pedagogterge arnalǵan PBB-nyń jańa formatyna sáıkes testileý eki bloktan jáne 50 test tapsyrmasynan turady: birinshi blok «Pándik bilim» – 30 tapsyrma, ekinshi blok «Oqytý ádistemesi» – 20 tapsyrma. Osyǵan baılanysty biz baıqaý synaqtarynyń bazasyn jańarttyq. Baıqaý synaqtarynyń kómegimen pedagogter ózderiniń daıyndyǵyn jaqsartyp, testileýdiń jańa formatymen tanysa alady», dep atap ótti QR ǴJBM Ulttyq testileý ortalyǵynyń dırektory Rýslan Emelbaev.
Sonymen qatar PBB-ǵa daıyndalý maqsatynda ustazdar UTO saıtynyń «Pedagogterge» bóliminde test tapsyrmalarynyń spesıfıkasııasymen tanysa alady. Sondaı-aq saıtta testileýdiń suraqtary usynylǵan ádebıetterdiń tizimi jarııalandy.
Osylaısha, QR Ǵylym jáne joǵary bilim mınıstrligi pedagogterdiń PBB-ǵa sapaly daıyndyǵy úshin kóptegen shara qabyldap jatyr. Aıta keteıik, 2023 jylǵy 27 naýryzda 3-22 sáýir aralyǵynda ótetin PBB-ǵa ótinishter qabyldaý bastaldy. Testileýge tirkelý UTO-nyń https://app.testcenter.kz/ saıtynda onlaın júzege asyrylady.
