Sessııany oblystyq saılaý komıssııasynyń tóraǵasy Serǵalı Aıdapkelov ashty. Ol 19 naýryzda ótken saılaýdyń qorytyndylary men depýtattyq korpýstyń sapalyq quramy jaıly baıandama oqydy.
Jambyl oblysynyń ákimi Nurjan Nurjigitov jańadan saılanǵan depýtattarǵa sáttilik tiledi.
«Oblys ekonomıkasyn damytýǵa, Jambyl turǵyndarynyń ál-aýqatyn jaqsartýǵa baılanysty máselelerdi jergilikti bılik organdarymen birlese otyryp sheshýge kúsh salasyzdar dep oılaımyn. Atqaratyn jumysymyz kóp, aldymyzǵa aýqymdy maqsattar men mindetter qoıyp otyrmyz. Eń aldymen, bıýdjet qarajatyn tıimdi ári sapaly ıgerýge basa nazar aýdarý qajet», dedi oblys ákimi.
Aıta ketsek, sessııada Abdaly Nuralıev Jambyl oblystyq máslıhatynyń tóraǵasy bolyp saılandy.
Sessııada máslıhattyń turaqty komıssııalary da qurylyp, olardyń jetekshileri saılandy.
