VIII saılanǵan Parlamenttiń birinshi sessııasynyń ashylýy barysynda Memleket basshysynyń tapsyrmasyn oryndaýǵa bastamashylyq etken is-sharaǵa ShOB, salalyq qaýymdastyqtar, quqyq qorǵaý jáne qadaǵalaý organdary, «Atameken» kásipkerler palatasy jáne t.b. ókilderi qatysty.
Kezdesýde elordanyń ınjenerlik ınfraqurylymyn damytý, áleýmettik nysandar (qoljetimdi jeńildikti turǵyn úı, mektepter, medısınalyq nysandar, balabaqshalar jáne t.b.) salý, ınternettiń qoljetimdiligi men sapasy, jer qatynastary salasy, aqyly turaq oryndary boıynsha MJÁ jobasyna ózgerister engizý jáne t.b. máseleler kóterildi.
«Memleket basshysy VIII saılanǵan Parlamenttiń birinshi sessııasyn ashý barysynda ekonomıka men eńbek naryǵynyń qozǵaýshy kúshi shaǵyn jáne orta kásipkerlik bolýy tıis ekenin, «el ishinde bıznesin damytýǵa jáne olarǵa shyn máninde kómektesýge múmkindik berý mańyzdy» dep atap ótti. Astanada 209 myńnan astam kásipkerlik sýbekti jumys isteıdi. Bıznes 460 myń adamdy jumys oryndarymen qamtamasyz etedi, bul – elordanyń ekonomıkalyq belsendi halqynyń 71%-y. Biz kásipkerlerge júıeli qoldaý kórsetýge múmkindik beretin birqatar shara qabyldadyq: AEA jáne Indýstrııalyq park aýmaǵynda preferensııalar, túrli baǵdarlamalar boıynsha granttar men kredıtter beriledi, «Astana Invest» ınvestorlaryna arnalǵan front-ofıs jumys isteıdi, ınjenerlik jelilerdi júrgizýge, qajetti ınfraqurylymdy qurýǵa kómek kórsetiledi.
Biraq bul da jetkiliksiz. «Atameken» Ulttyq palatasymen birlesip qosymsha qoldaý sharalaryn jasaımyz, onyń ishinde bıýrokratııalyq kidirister men kedergilerdi joıý isin jalǵastyramyz», dedi Astana ákimi Jeńis Qasymbek.
«Atameken» QR UKP tóralqasynyń tóraǵasy Raıymbek Batalov jobalardy iske asyrýǵa birinshi kezekte otandyq kásipkerler senýi qajet ekenin atap ótti. Ásirese, eger joba bıýdjet qarajatynan qarjylandyrylar bolsa.
Mysaly kásipkerler otandyq taýar óndirýshilerdiń «Jaıly mektep» jobasyna qatysý máselesin kóterdi. Bıznesmenderdiń aıtýynsha, joba operatory – «Samruk-Kazyna Construction» AQ jetkizýshilerdi irikteý boıynsha konkýrstardyń ashyqtyǵy arqyly taýarlar men qyzmetterdi satyp alý boıynsha konkýrstarǵa qatysý úshin teń jaǵdaılar men múmkindikterdi qamtamasyz etýi tıis. Budan basqa elordalyq óndirýshiler offtake-qazaqstandyq óndirýshilermen aldyn ala kelisimsharttar jasasý arqyly ónimniń kepildi ótkizý kólemin qamtamasyz etýge múmkindik beredi dep sanaıdy.
Qazirgi ýaqytta «Atameken» QR UKP-da otandyq taýar óndirýshilerdiń tizilimi qalyptastyryldy, olar keıinnen merdiger uıymdarǵa usyný úshin «Samruk-Kazyna Construction» AQ-ǵa berildi.
Ulttyq palata basshysy Raıymbek Batalov kásipkerlikti damytýdyń keshendi jospary týraly aıtyp, shaǵyn bıznes blogyna jáne orta bıznes problemalaryna erekshe nazar aýdardy.
«Memleket basshysy naqty ındýstrııalandyrý, óndiristi oqshaýlaý, ınfraqurylymdy jańǵyrtýmen aınalysýymyz kerek ekenin atap ótti.
Bıýdjetten qarjylandyrylatyn jobalardy birinshi kezekte otandyq kásipkerler iske asyrýy tıis. Biz úshin bul óte mańyzdy joldaý jáne biz bul jospardy iske asyratynymyzǵa senimdimin jáne bul keshendi tıimdi baǵdarlama barlyǵymyzǵa, sonyń ishinde shaǵyn jáne orta bızneske óz portfelimizde bar jobalardy iske asyrýǵa múmkindik beredi», dep atap ótti Raıymbek Batalov.
Kezdesý barysynda jergilikti atqarýshy organdarmen jumys О́ńirlik kásipkerler palatalarynyń qurylǵan salalyq komıtetterimen tyǵyz ózara is-qımyl arqyly qurylǵany atap ótildi. Mundaı kezdesýler «Atameken» alańynda turaqty túrde ótkiziledi.
