Balalar • 30 Naýryz, 2023

Bas júlde «Tańsholpan» balasynda

383 ret

kórsetildi

1 mın

oqý úshin

Peshenesine áke men sheshe meıiri buıyrmaǵan baldyrǵandarǵa arnalǵan baıqaýda kishkentaı qaraǵandylyqtar biraz júldeni enshilep keldi. Jetim jáne ata-anasynyń qamqorlyǵynsyz qalǵan balalardyń respýblıkalyq festıvali «Qazaqstan – meniń altyn besigim» ataldy. Baıqaýdyń kishkentaılar sanatyndaǵy bas júldesin qaraǵandylyq Sergeı Kasıanov ıelendi.

Qyzǵaldaq AITJAN

Festıvalde balalar vokal baǵytynda «Júrek jylýy» atalymynda óner kórsetti. «Tańsholpan» balalar úıiniń tárbıelenýshisi Sergeı Kasıanov kishkentaılar arasynda oza shaýyp, báıge alsa, al orta jas sanatynda ekinshi oryndy Tatıana Kasıanova jeńip aldy. Tatıana da «Tańsholpan» balalar úıiniń tárbıelenýshisi. «SOS Temirtaý balalar aýyly» tobynyń múshesi Angelına Vostrıkova da joǵary jas sanatynda kúmis júldeger atandy.

– Sergeı festıvalde birinshi ret óner kórsetti. Tatıana kóptegen oblystyq jáne qalalyq baıqaýlardyń laýreaty. Balalar 2 jyldan beri ánge den qoıyp keledi. Jalpy, bizdiń ortalyqta 25 úıirme jumys isteıdi. Vokaldan basqa, bı, fýtbol, qazaqsha kúres, dombyra jáne taǵy da ózge úıirmeler bar, – deıdi «Tańsholpan» balalar úıi dırektorynyń tárbıe jumysy jónindegi orynbasary Aıan Kárim.

Sondaı-aq «Rızamyn halqyma!» teatraldy nomınasııada «Jas oryndaýshy» ataǵy Osakarov aýdanynyń Pıoner balalar úıiniń tárbıelenýshisi Irına Jarovaǵa berildi.

var