Atalǵan týrnırde Qaırat Ahmetov te óner kórsetedi. Ár jeńisinen keıin «Qara jorǵa» bıleıtin qazaq jigitin jankúıerler jaqsy biledi. 35 jastaǵy qandasymyz osy sport túrin serik etkeli 13 jylǵa jýyqtady. Sol aralyqta 31 kezdesý ótkizip, 29 jeńiske jetti. 18 qarsylasyn esinen tandyrdy. 2015 jyly ol Beıjińde brazılııalyq Adrıano Moraesten basym túsip, atalǵan nusqanyń chempıondyq belbeýin ıelendi. Arada eki jyl ótken soń dál sol sportshydan jeńilip, ataǵynan aıyryldy. 2018 jyly fılıppındik Djehe Eýstakıoǵa ese jiberdi. Sodan keıingi bes kezdesýde Ahmetovtiń ústemdigi esh kúmán týǵyzǵan joq.
Qaırattyń qarsylasy – Rıs Maklaren. 31 jastaǵy Aýstralııanyń faıteri oktagonǵa 26 márte shyǵyp, 16 ret jeńiske jetti. 13 básekeni merziminen buryn aıaqtady. Bul sportshylar osydan tórt jyl buryn kúsh synasqan edi. Ol kezde Ahmetov upaı sanymen jeńis toıyn toılady.
AQSh-taǵy jarystyń basty jekpe-jeginde kezinde UFC-diń eń beldi faıterleriniń biri bolǵan amerıkalyq Demetrıýs Djonson men «ONE Championship» nusqasynyń qazirgi chempıony Adrıano Moraes aıqasady.
