Memlekettik qyzmet salasyndaǵy zańnamany odan ári jetildirýdiń ózekti máselelerin talqylaý – kezdesýdiń basty maqsaty boldy.
«Agenttik Memleket basshysynyń tapsyrmasyna sáıkes memlekettik qyzmetti odan ári jetildirýge baǵyttalǵan birqatar jobalardy júzege asyryp keledi. Olardyń bári bizdiń memleketimizdiń ıgiligi úshin jumys isteıdi dep senim artamyz. Sonymen qatar bizdiń komıtet músheleri zertteýdi jáne zańnamalyq turǵydan bekitýdi talap etýi yqtımal birqatar máseleni kóterip otyr», dedi Senat komıtetiniń basshysy Andreı Lýkın.
Memlekettik qyzmet isteri agenttiginiń tóraǵasy Darhan Jazyqbaev senatorlarǵa memlekettik qyzmetti bıýrokratııadan aryltý, sıfrlandyrý, memlekettik qyzmetke kirý kezinde artyq kedergilerdi joıý jáne odan «ketý» tártibin ońaılatý jóninde júrgizilip jatqan jumystar týraly aıtyp berdi.
Senatorlar kezdesýdi qorytyndylaı kelip, birqatar usynysyn aıtty. Onda óńirlerdegi belsendi jáne talantty jastardy memlekettik qyzmetke tartý maqsatynda «О́ńirlik kadr rezervi» jobasynyń sapaly iske asýyn qamtamasyz etý, sondaı-aq memlekettik organdardyń jumys ýaqyty tártibiniń saqtalýyna monıtorıng júrgizý jónindegi Agenttiktiń ókilettigin iske asyrý jóninde qajetti sharalar qabyldaý da bar.
