Jartylaı fınalda álemniń 12-raketkasy, chehııalyq Petra Kvıtova men dúnıejúzilik reıtıngide 74-orynda turǵan rýmynııalyq Sorana Kyrstıa kezdesti.
Birinshi sette rýmynııalyq tennısshi 5:2 esebimen alǵa shyqqanymen, qatarynan bes geımde utylyp qaldy – 7:5.
Ekinshi sette chehııalyq sportshy 6:4 esebimen basym tústi. 1 saǵat 41 mınýtqa sozylǵan báseke barysynda P.Kvıtova 7 eıs jasap, 7 breık-poınttyń úsheýin paıdalandy. Qarsylasy 4 eıs, 1 breıkten (5 breık-poınt) asa alǵan joq.
Osylaısha, Maıamı masters jarysynyń fınalynda Elena Rybakına Petra Kvıtovamen sheberlik baıqasady.
Aıta ketsek, olar buǵan deıin eki ret kezdesken, esep – 1:1. О́tken jyly Ostrava (Chehııa) dodasynda qazaqstandyq tennısshi 7:6 (7:3), 6:4 esebimen basym tússe, bıyl Adelaıda 2 (Aýstralııa) týrnırinde P.Kvıtova jeńiske jetti – 6:3, 7:5.
