Ǵun jaýyngeriniń beınesi

Arheologter bul jerde biz­diń zamanymyzdyń II-III ǵa­syrynda ómir súrgen ǵun taı­pasy ókilderiniń biri jer­len­­genin jaýynger kıimi men qarý-jaraǵy, at ábzelderi qal­dyqtarynan anyqtady. Jáne bir ereksheligi – ejelgi za­mannyń tonaýshylarynyń kózinen tys qalǵan elıtalyq, buzylmaǵan obalardyń biri ekeni belgili boldy. Oǵan dálel jaýynger kıimindegi áshekeıler men qarý-jaraq qaldyǵynyń osy zamanǵa deıin shashylmaı, joǵalmaı jetýi. Bıylǵy jazda osy arheologııalyq muralarǵa rekonstrýksııalaý ju­mystary bastalmaqshy. Ejelgi órkenıet jaýyngeriniń bet-beı­nesin, kıimi men qarý-jaraǵy, at ábzelderin qaıta jaraqtandyrý jumystarymen Á.Marǵulan atyndaǵy Arheolo­gııa ınstıtýtynyń bólim meńge­rýshisi Aslan Mamedov pen osy oqý ornynyń jetekshi ǵylymı qyzmetkeri Arman Bısembaev, etno­graf-ǵalym, sýretshi Qa­lıol­la Ahmetjan aınalysady.

Bizdiń zamanymyzdyń II-IÚ ǵasyrynda qazirgi Aqtóbe oblysynyń aýmaǵyn ǵun taıpalary mekendegen. Olar Eýropaǵa qonys aýdarǵanǵa deıin osy jaqta ómir súrip, erekshe mádenıet izderin qaldyrǵan. Ǵundardyń basqalarǵa uqsamaıtyn ózindik mádenıetin Qobda, Oıyl ózenderiniń boıynan tabylǵan obalarda saqtalǵan buıymdardan kórýge bolady. «Elek ózeni boıynda kezdeısoq tabylǵan obadaǵy buıymdardan ǵun ja­ýyngeriniń beınesin qalpyna kel­tirmekshimiz. Biz ejelgi ja­ýynger kıimindegi áshekeı buıym­dardy, qarý-jaraǵy qaldyq­tary men at ábzelderin mu­qııat zertteýge kiristik. Oba­dan tabylǵan oljalardyń ishin­degi eń qyzyqtyrǵany attyń eri ekendigin jasyrmaımyz. О́ıtkeni ǵun sarbazdary óz zamanynda minis attaryn sándep mingen,- deıdi arheolog Aslan Mamedov.

Aqtóbe oblysy