Búgingi tańda ıslam ǵylymy jan-jaqty óristep, osy baǵytta bilikti ǵalymdarymyz boı kórsetip keledi. Solardyń biri – Qazaqstan jýrnalıster odaǵynyń múshesi Narbaı Taǵaıuly. Jaqynda ǵalymnyń «Taqýalyqqa bastar jol», «Qurandaǵy qııamet pen qyıaldaǵy qııamet» syndy qos kitaby kózi qaraqty oqyrmanǵa jol tartty. Avtor kitapta ıslam dinin ulttyq aýyz ádebıetimiz, eldik tanym arqyly túsindirip, maǵynasyn ashýǵa umtylady. Ultymyzdyń rýhanı saýlyǵy úshin dinı bilim nári baǵaly qundylyq ekeni baıandalady.
– Adamdarǵa qaıyr jasaý degen – elge qaıyr jasaǵandyq. Bul elimizdiń kemin toltyrý, azyn kóbeıtý, kúshin arttyrý, jamanyn jaqsartý. Bizge eń qajeti – tildegi emes, júrektegi shynaıy ımandylyq, – deıdi ol.
