Jaıyqta júzgen aqqýlardy Mahambet aýdanynyń turǵyny Áıgerim Aıshýaqova sýretke túsirip alǵan. Onyń aıtýynsha, Jaıyq ózeni aǵyp jatqan tustan qustardyń daýysy estilgen.
– Aqtaýda turǵanymda Kaspıı teńiziniń jaǵalaýyna qonǵan aqqýlardy tamaqtandyryp, fotoǵa túsirýshi edik. Aqqýdyń daýysy erekshe ǵoı. Bala kezimnen qulaǵymda jattalyp qalǵan aqqýdyń daýysyn estip, Jaıyq ózenine qaraı júgirdim. Jaıyqqa jetkende ózenniń arǵy jaǵalaýyna 6 aqqýdyń qonǵanyna kýá boldym, – deıdi Áıgerim Aıshýaqova.
Sońǵy jyldary Jaıyq ózeniniń sýy azaıyp, keıbir tusy tipten taıyzdanǵan edi. Sol sebepten, aıdynǵa aqqý qonǵanyn jaqsylyqtyń nyshanyna balaǵandar bar. О́ıtkeni jaǵadaǵy jurt aıdyn sýy molaıyp, el yrysy artqanyn qalaıdy.
Atyraý oblysy
