Ymdaý tilindegi alǵashqy spektakl

Almaty qalasy sańy­raýlar qoǵamynyń ónerpaz­da­rynan quralǵan «О́rleý» shyǵar­mashylyq ujymy qazaq sahna­synda alǵash ret óz ónerle­rin pash etti. Onda da kóńil kóte­retin jeńil qoıylymdy emes, belgili jazýshy Shyńǵys Aıt­matovtyń «Ǵasyrdan da uzaq kún» shyǵarmasy jelisimen «Máńgúrt» qoıylymyn sahnalady. О́z jadyn joǵaltyp, shyqqan tegin, týǵan tilin, tarıhyn umytýdyń qanshalyq aýyr tragedııa ekenin jas urpaqqa, adamzatqa eskertip otyrý – búgingi jahandaný zamanynda eń ózekti másele desek, artyq aıtqanymyz emes.

Ideıa avtory jáne qoıýshy rejısseri – Almaty qalasyndaǵy estý jáne kórý múmkindigi shek­teýli jandardyń mádenı demalysyn uıymdastyrýmen aınalysatyn «Demalys» bóli­miniń basshysy, kınorejısser, Qazaqstannyń mádenıet qaıratkeri Ǵazızhan Ádilhanov jáne ıshara jaǵynan daıyndaǵan Janar Qadyrqyzy Bekturǵanova.

Al rólderdi somdaǵan Álim Meńdibaev (Jýan-jýandar qo­jaıyny), Birjan Ábdirashıtov (qojaıyn kómekshisi), Laýra Ko­roleva (Naıman-ana), El­dos Maratuly (Jolaman), qul­dar­dy beınelegen Anastasııa Sa­moılova, Alena Rıazanova, Nur­sultan Orazalınderdiń sahnada nanymdy beıne shyǵarý úshin bar yqylastaryn salyp eńbek­tengeni kórinip turdy. Bular – taǵdyrdyń jazýymen estý qabiletinen aıyrylsa da, týmysynan óner dese ishken asyn jerge qoıatyn, asa sezimtal, ómirge erekshe ǵashyq jandar.

Aıta keteıik, ótken jyldyń 7-13 qarashasynda bul ujym Más­keý qalasyna arnaıy baryp, «Ishara aýmaǵy» V Halyq­ara­lyq festıvaline qatysyp qaıtqan. «О́rleý» shyǵarmashylyq ujymy Reseıdiń túkpir-túkpirinen kelgen 17 óner ujymymen qatar festıvaldiń alǵashqy kúni-aq Máskeý jurtshylyǵyn muń­dy da astarly «Máńgúrt» qoıy­lymymen dúr silkindirse, Tash­kentten kelgen «Shyǵys Azııa» ujymy kóz qaryqtyrar sulý kostıýmderimen, sazdy áýen­deri­men «Aladdın» ertegisin qoı­dy. Sóıtip, festıvaldiń «Eń úzdik sahnalyq kostıým» atalymyn jeńip alǵan ala taqııaly aǵaıyndar osy joly Almatyǵa kelip, jarq-jurq etken ónerin taǵy bir tamashalatty. Kórshilerdiń bul gastroldik sapary týysqandaryn qoldap-qol­pashtaýy dep baǵaladyq. «О́rleý» ónerpazdaryna aldaǵy óner dodalarynda sáttilik tileımiz.

Gúljanat TAÝBAIQYZY,

stýdııa jetekshisi