Osylaısha, D.Tramp qylmystyq quqyq buzýshylyq boıynsha aıyptalǵan AQSh-tyń alǵashqy eks-prezıdenti atanbaq. Is nasyrǵa shapsa, onyń saýsaq izin alyp, arnaıy sýretke túsirip, kúdikti retinde jaýap berýi múmkin. Sondaı-aq alqa bıler aldynda jaýap beretin birinshi eks-prezıdent bolýy da yqtımal.
Buqaralyq aqparat quraldarynda taraǵan málimetke súıensek, D.Tramp pen S.Denıels 2006 jyly tanysqan. Ekeýara tanystyq munymen shektelmeı, biraz jerge barǵanǵa uqsaıdy. Keıinirek pornoaktrısa osy oqıǵany eldegi sarjaǵal basylymdarǵa satpaqshy bolǵan. Ásirese, D.Tramp 2016 jyly prezıdenttikke talasqanda bul daý órshidi. Alyp-qashpa áńgime kóbeıip ketpes úshin Tramptyń jaqtastary S.Denıelske qomaqty qarjy usynyp, bolǵan oqıǵany jarııaǵa jar salmaýyn ótingen kórinedi. Negizi mundaı áreket AQSh zańyna tompaq emes. Biraq Tramp pen onyń advokaty tólemdi zań júzinde jasalǵan dep kórsetken. Al Nıý-Iork shtatynda muny esep berýdi burmalaý dep sanaıdy. Sondyqtan qylmystyq is qozǵalady.
Buǵan qosa, Aq úıdiń burynǵy basshysyna taǵy eki aıyp taǵylyp otyr. Ázirge ol týraly kóp aqparat joq. Biraq bárinde para berýge talpynǵany aıtylady. Sondyqtan qylmystyq is qozǵaý barysynda oǵan naqty qandaı aıyp taǵylatynyn ázirge dóp basyp aıtý qıyn. Degenmen Tramp pen onyń jaqtastary qylmystyq isti saıası belsendilikpen baılanystyrady.
Kelesi jyly AQSh-ta prezıdent saılaýy ótedi. D.Tramp saıası básekege qatysatynyn málimdegen. Onyń jaqtastary 2024 jylǵy saılaýda jeńiske jetetinine senimdi. Sol sebepti taǵylǵan aıypty saılaý aldy naýqanǵa kedergi keltirý dep esepteıdi.
О́tken senbide Tehasta jaqtastarymen kezdesýde sóılegen sózinde Tramp ózine taǵylǵan aıypqa qatysty pikir bildirdi. Onyń aıtýynsha, bul – prokýrordyń teris áreketi. «Solaqaı manıaktar úshin adamnyń kinásiz ekeniniń esh aıyrmashylyǵy joq», dedi D.Tramp.
Aq úıdiń burynǵy basshysyna aıyp taǵylǵany belgili bola sala, Respýblıka partııasynyń birneshe múshesi D.Trampty jaqtap pikir bildirdi. О́kilder palatasynyń birqatar joǵary laýazymdy kongresmeni aıyptaý qorytyndysyn shekten shyqqan dep atap, muqııat parlamenttik tergeý júrgizýge ýáde berdi.
«2024 jylǵy prezıdent saılaýyna aralasýǵa talpynǵan Nıý-Iork prokýrory ultqa orny tolmas zııan keltirdi», dedi О́kilder palatasynyń spıkeri Kevın MakKartı.
Tramp ákimshiligi kezinde memlekettik hatshy qyzmetin atqarǵan Maık Pompeo da óz kózqarasyn jetkizdi. «Aýyr qylmys jasaǵan kez kelgen adamdy qýdalaý – amerıkalyqtar qaýipsizdiginiń kepili. Biraq saıası qýdalaý amerıkalyq zań júıesin teris paıdalaný quralyna aınaldyrý qaýpin týdyrady», dedi ol.
Florıda basshysy Ron DeSantıs te taǵylǵan aıypty «amerıkalyq rýhqa» saı kelmeıtinin aıtyp, aıyptady. Jalpy, onyń pikiri mańyzdy ekeni anyq. О́ıtkeni DeSantıs – Respýblıka partııasyndaǵy D.Tramptyń basty qarsylasy. Iаǵnı kelesi jylǵy saılaýǵa qatysýǵa Florıda basshy da tilek bildirip otyr. Soǵan qaramastan, ol saıası básekelesin jaqtady.
Áıtse de, keıbir sarapshylar DeSantıstiń áreketin saıası qadam dep esepteıdi. Alda-jalda Florıda basshysy Nıý-Iork prokýrorynyń aıybyna kelisip, Trampty berýge kelisse, onda Respýblıka partııasyndaǵy jaqtastaryn joǵaltýy múmkin. Mundaı jaǵdaıda Aq úıdiń basshysy atanýǵa degen úmitiniń kúli kókke ushady.
Osy oqıǵaǵa baılanysty Aq úı eshqandaı pikir bildirgen joq. Buǵan deıin de Djo Baıden men onyń ákimshiligi 2021 jyly Trampqa ımpıchment jarııalaýǵa qatysty da kózqarasyn aıtpaǵan edi.
Qysqasy, kelesi apta AQSh úshin tartysqa toly bolmaq. D.Tramp seısenbi kúni Nıý-Iorkke baryp, alqa bıler aldynda jaýap bermek. Oqıǵanyń endi qalaı órbıtinin dóp basyp aıtý qıyn. Degenmen Trampqa tyqyr taıanǵany aıdan anyq.
