Elimiz Azııa-Tynyq muhıty óńiri men Parsy shyǵanaǵy naryǵyna tikeleı shyǵa alady

ASTANA. 2 shilde. Údemeli ındýstrııalyq-ınnovasııalyq damý memlekettik baǵdarlamasyn iske asyrý boıynsha Úkimet esebimen tanysýy barysynda Memleket basshysy elimiz Azııa-Tynyq muhıty óńiri men Parsy shyǵanaǵy memleketteri naryǵyna tikeleı shyǵa alatyn biregeı derjavaǵa aınalady dep málimdedi. Bul týraly «QazAqparat» habarlady. Prezıdent: «Termınal salýdamyz. Tynyq muhıtyndaǵy Lıanıýngan portynan Qazaqstanǵa qaraı, batysqa taýar tasymaldaýdamyz. Bul Qytaıdan Antverpenge deıingi teńiz jolyn 35 táýlikten 2 aptaǵa qysqartady. Iаǵnı, qazirdiń ózinde kelisimshart jasalyp, osy jeli arqyly 250 myń konteıner ótetin bolady. Bul bizge de jaqsy, logıstıka úshin de jaqsy. 2020 jylǵa qaraı osy termınaldyń qýaty 2 esege artatyndyǵy boljanýda. Sonyń arqasynda bizdiń elimiz Ortalyq Azııadaǵy Azııa-Tynyq muhıty óńiri men Parsy shyǵanaǵy memleketteri naryǵyna tikeleı shyǵa alatyn biregeı derjavaǵa aınalady», – dedi. Joldybaı Bazar. Derekkóz: «QazAqparat». Foto: «QazAqparat».