Qazaqstan Respýblıkasynyń Zańy

Qazaqstan Respýblıkasynyń azamattaryna, oralmandarǵa jáne Qazaqstan Respýblıkasynda turýǵa yqtııarhaty bar adamdarǵa olardyń múlikti jarııa etýine baılanysty raqymshylyq jasaý týraly

Osy Zań memlekettiń múlikti, onyń ishinde buryn jarııaly ekonomıkalyq aınalymnan shyǵarylǵan aqshany jarııa etý jónindegi birjolǵy aksııa ótkizýine baılanysty, sondaı-aq Qazaqstan Respýblıkasy azamattarynyń, oralmandardyń jáne Qazaqstan Respýblıkasynda turýǵa yqtııarhaty bar adamdardyń tabystary men múlkin deklarasııalaýǵa kóshýge baılanysty qoǵamdyq qatynastardy retteıdi. 1-bap. Osy Zańda paıdalanylatyn negizgi uǵymdar Osy Zańda mynadaı negizgi uǵymdar paıdalanylady: 1) múlikti jarııa etkeni úshin alym – osy Zańda belgilengen, múlikti jarııa etýdi ótkizgeni úshin bıýdjetke tólenetin mindetti, qaıtarylmaıtyn tólem; 2) múlikti jarııa etý – tabystardy jasyrý maqsatynda zańdy ekonomıkalyq aınalymnan shyǵarylǵan jáne (nemese) Qazaqstan Respýblıkasynyń zańnamasyna sáıkes resimdelmegen ne tıisti emes tulǵaǵa resimdelgen múlikke quqyqtardy memlekettiń taný rásimi; 3) múlikti jarııa etýdi ótkizý jónindegi komıssııa (budan ári – komıssııa) – Qazaqstan Respýblıkasynyń Úkimeti aıqyndaıtyn tártippen jergilikti atqarýshy organdar janynan qurylatyn jáne memlekettik organdar men uıymdardyń ókilderinen turatyn, Qazaqstan Respýblıkasynyń aýmaǵynda turǵan múlikti (aqshany qospaǵanda) jarııa etý týraly ne jarııa etýden bas tartý týraly sheshim shyǵarýǵa ýákiletti komıssııa; 4) múlikti jarııa etý sýbektileri (budan ári – jarııa etý sýbektileri) – múlkin osy Zańda belgilengen tártippen jarııa etetin Qazaqstan Respýblıkasynyń azamattary, oralmandar jáne Qazaqstan Respýblıkasynda turýǵa yqtııarhaty bar adamdar; 5) tıisti emes tulǵa (budan ári – basqa tulǵa) – alǵan tabystaryn jasyrý maqsatynda jarııa etý sýbektisiniń tabystaryna satyp alynǵan múliktiń menshik ıesi retinde áreket etken tulǵa. 2-bap. Osy Zańnyń qoldanylý aıasy 1. Osy Zańnyń kúshi 2014 jylǵy 1 qyrkúıekke deıin ózderine tıesili bolǵan jáne ózderi alǵan múlikti jarııa etetin jáne jarııa etken jarııa etý sýbektilerine qoldanylady. 2. Osy Zańnyń kúshi osy Zańdy qoldanysqa engizý kúnine ózderine qatysty: 1) Qazaqstan Respýblıkasynyń Qylmystyq kodeksiniń 190, 191, 193 (osy tarmaqshada kórsetilgen, Qazaqstan Respýblıkasynyń Qylmystyq kodeksiniń baptarynda kózdelgen qylmystardy jasaý arqyly satyp alynǵan múlikti jarııa etken jaǵdaıda), 208, 213, 215, 216, 216-1, 217, 218, 221, 222-baptarynda kózdelgen qylmystardy jasaǵany úshin olardy kináli dep tanyǵan sottyń úkimi; 2) Qazaqstan Respýblıkasynyń Ákimshilik quqyq buzýshylyq týraly kodeksiniń 118, 143, 143-2, 155, 155-1, 155-3, 155-4, 155-5, 156, 157, 166, 168-1, 178, 185, 187, 205-1, 205-2, 206, 206-1, 206-2, 207, 208, 208-1, 209, 214, 237, 239, 357-1-baptarynda kózdelgen ákimshilik quqyq buzýshylyqtardy jasaǵany úshin ákimshilik jaza qoldaný týraly sýdıanyń, organnyń (laýazymdy adamnyń) qaýlysy zańdy kúshine engen jarııa etý sýbektilerine qoldanylmaıdy. 3-bap. Múlikti jarııa etý erekshelikteri 1. Eger osy baptyń 2-tarmaǵynda ózgeshe kózdelmese, mynadaı múlik: 1) aqsha; 2) baǵaly qaǵazdar; 3) zańdy tulǵanyń jarǵylyq kapıtalyna qatysý úlesi (budan ári – qatysý úlesi); 4) oǵan quqyq nemese ol boıynsha mámileler Qazaqstan Respýblıkasynyń zańnamasyna sáıkes memlekettik tirkeýge jatatyn, basqa adamǵa resimdelgen jyljymaıtyn múlik (ǵarysh obektilerinen jáne magıstraldyq qubyrlardyń jelilik bóliginen basqa); 5) qurylys normalary men qaǵıdalaryna, sondaı-aq ózderi ornalasqan, jarııa etý sýbektisine menshik quqyǵynda tıesili jer ýchaskesiniń nysanaly maqsatyna sáıkes keletin, Qazaqstan Respýblıkasynyń aýmaǵynda turǵan úıler (qurylystar, ǵımarattar); 6) Qazaqstan Respýblıkasy aýmaǵynyń sheginen tys jerlerde turǵan jyljymaıtyn múlik jarııa etýge jatady. 2. Osy baptyń 1-tarmaǵynda kórsetilgen: 1) jeke adamǵa, otbasyna jáne kámeletke tolmaǵandarǵa, adamnyń jáne azamattyń konstıtýsııalyq jáne ózge de quqyqtary men bostandyqtaryna, beıbitshilikke jáne adamzat qaýipsizdigine, memlekettiń konstıtýsııalyq qurylysynyń negizderi men qaýipsizdigine, menshikke, aqparattyq tehnologııalar qaýipsizdigine, kommersııalyq jáne ózge de uıymdardaǵy qyzmet múddelerine, qoǵamdyq qaýipsizdik pen qoǵamdyq tártipke, halyqtyń densaýlyǵyna jáne ımandylyqqa, basqarý tártibine, sot tóreligine jáne jazalardy oryndaý tártibine qarsy qylmystardy jasaý; 2) ekologııalyq, kóliktik, áskerı qylmystardy, sybaılas jemqorlyq quqyq buzýshylyqtar men qylmystardy, sondaı-aq memlekettik qyzmet pen memlekettik basqarý múddelerine qarsy ózge de qylmystardy, ekonomıkalyq qyzmet (osy Zańnyń 13-baby 1-tarmaǵynyń 1) tarmaqshasynda kórsetilgenderdi qospaǵanda), onyń ishinde ekonomıkalyq kontrabanda salasyndaǵy qylmystardy jasaý; 3) jalǵan aqsha men baǵaly qaǵazdar jasaý jáne ótkizý, jalǵan qujattardy, mórtabandardy, mórlerdi, blankilerdi, memlekettik nagradalardy qoldan jasaý, daıyndaý nemese ótkizý; 4) ınsaıderlik aqparatty zańsyz paıdalaný jáne baǵaly qaǵazdar naryǵynda aıla-sharǵy jasaý nátıjesinde alynǵan múlik jarııa etýge jatpaıdy. 3. Sonymen qatar: 1) sot tártibimen oǵan quqyqtar daýlanyp jatqan; 2) Qazaqstan Respýblıkasynyń zańdarynda oǵan quqyqtar berýge jol berilmeıtin múlik; 3) kredıtter retinde alynǵan aqsha; 4) memleket paıdasyna berilýge jatatyn múlik; 5) «Qazaqstan Respýblıkasynyń áleýmettik-ekonomıkalyq damýynyń turaqtylyǵyn qamtamasyz etý jónindegi birinshi kezektegi is-qımyldar jos­paryn bekitý týraly» Qazaqstan Respýblıkasy Úkimetiniń 2007 jylǵy 6 qarashadaǵy № 1039 qaýlysymen bekitilgen Qazaqstan Respýblıkasynyń áleýmettik-ekonomıkalyq damýynyń turaqtylyǵyn qamtamasyz etý maqsatynda daǵdarysqa qarsy sharalardy iske asyrý sheńberinde qurylysy bıýdjet qarajaty esebinen aıaqtalǵan jyljymaıtyn múlik obektilerindegi turǵyn jáne turǵyn emes úı-jaılar jarııa etýge jatpaıdy. 4. Osy Zańnyń maqsaty úshin Qazaqstan Respýblıkasynyń azamattyq zańnamasyna sáıkes jyljymaıtyn múlik bolyp aıqyndalatyn múlikke uqsas múlik Qazaqstan Respýblıkasy aýmaǵynyń sheginen tys jerlerde turǵan jyljymaıtyn múlik bolyp tanylady. 4-bap. Múlikti jarııa etý merzimi Múlikti jarııa etý merzimi 2014 jylǵy 1 qyrkúıekten bastalady jáne 2015 jylǵy 31 jeltoqsanda aıaqtalady. Múlikti (aqshadan basqa) jarııa etýge usyný úshin qujattardy tapsyrý merzimi 2014 jylǵy 1 qyrkúıekten bastalady jáne 2015 jylǵy 30 qarashada aıaqtalady. 5-bap. Jarııa etýge usynylǵan jáne jarııa etilgen múlik týraly aqparat 1. Memlekettik organdar, uıymdar jáne olardyń laýazymdy adamdary men qyzmetkerleri múlikti jarııa etýdi ótkizý prosesinde alynǵan aqparattyń qupııalylyǵyn Qazaqstan Respýblıkasynyń zańdarynda kózdelgen tártippen qamtamasyz etýge, onyń ishinde jarııa etý sýbektisiniń nemese onyń zańdy ókiliniń kelisiminsiz aqparatty taratýǵa jol bermeýge mindetti. 2. Osy Zańnyń 2-babynyń 2-tarmaǵynda kózdelgen jaǵdaılardy qospaǵanda, osy Zańnyń jarııa etilgen múlik bóligindegi maqsattary úshin osy Zańǵa sáıkes múlikti jarııa etýdi ótkizý prosesinde alynǵan aqparat negizinde, jarııa etý sýbektisine qatysty prosestik áreketterdi, onyń ishinde qylmystyq qýdalaýdy júzege asyrý nemese ákimshilik jáne tártiptik jazalaý sharalaryn qoldaný jónindegi prosestik áreketterdi júrgizýge tyıym salynady. 6-bap. Múlikti jarııa etkeni úshin alym 1. Múlikti jarııa etkeni úshin alym (budan ári – alym): 1) osy Zańnyń 8-baby 3-tarmaǵynyń 2) tarmaq­shasynda kózdelgen jaǵdaıda – aqshany; 2) Qazaqstan Respýblıkasy aýmaǵynyń sheginen tys jerlerde turǵan jyljymaıtyn múlikti nemese emıtentteri shet memlekette tirkelgen baǵaly qaǵaz­­­dardy nemese shet memlekette tirkelgen zańdy tulǵalardaǵy qatysý úlesterin (budan ári – Qazaq­stan Respýblıkasy aýmaǵynyń sheginen tys jerler­de­ turǵan múlik) jarııa etken kezde óndirilip alynady. 2. Alym: 1) osy Zańnyń 8-baby 3-tarmaǵynyń 1) tarmaqshasynda kózdelgen jaǵdaılardy qospaǵanda, jınaq shotynan alynǵan nemese basqa shotqa aýdarylǵan aqsha somasynyń; 2) Qazaqstan Respýblıkasy aýmaǵynyń sheginen tys jerlerde turǵan múliktiń satyp alý qunynyń nemese baǵalaý qunynyń on paıyzy mólsherinde tólenedi. Osy tarmaqshada kórsetilgen múlik boıynsha alym múlikti jarııa etýge qujattardy tapsyrǵanǵa deıin tólenedi. 3. Osy Zańnyń 7-babynyń 5 jáne 9-tarmaqtarynda kózdelgen jaǵdaılardy qospaǵanda, tólengen alymdy qaıtarý júrgizilmeıdi. Bul rette qaıtarý Qazaqstan Respýblıkasy zańnamasynda kózdelgen tártippen jarııa etý sýbektisiniń ótinishi negizinde júzege asyrylady. 7-bap. Múlikti (aqshadan basqa) jarııa etýdi uıymdastyrý jáne ótkizý tártibi jónindegi jalpy erejeler 1. Múlikti (aqshadan basqa) jarııa etý komıssııaǵa, salyq organyna jarııa etý sýbektileriniń mynadaı qujattardy: 1) osy Zańǵa 1-qosymshaǵa sáıkes nysan boıynsha eki danada múlikti jarııa etýdi ótkizýge arnalǵan ótinishti (budan ári – ótinish); 2) ótinishti bergen kezde túpnusqasyn kórsetý arqyly jeke basyn kýálandyratyn qujattyń kóshirmesin; 3) osy Zańda kózdelgen jaǵdaılarda ózge de qujattardy tapsyrýy arqyly ótkiziledi. 2. Jarııa etý sýbektileri osy baptyń 1-tarmaǵynda kórsetilgen qujattardy: 1) Qazaqstan Respýblıkasy aýmaǵynyń sheginen tys jerlerde turǵan múlik boıynsha (aqshadan basqa) – jarııa etý sýbektisiniń turǵylyqty jeri boıynsha salyq organyna; 2) Qazaqstan Respýblıkasynyń aýmaǵynda turǵan múlik boıynsha (aqshadan basqa) – mundaı múliktiń turǵan jeri boıynsha komıssııaǵa ótinish tapsyrylatyn jyljymaıtyn múlikti jarııa etý jaǵdaılaryn qospaǵanda, jarııa etý sýbektisiniń turǵylyqty jeri boıynsha komıssııaǵa usynady. 3. Shetel tilinde resimdelgen qujattar notarıat kýálandyrǵan qazaq nemese orys tilindegi aýdarmasymen qosa usynylýǵa tıis. 4. Jarııa etý sýbektileri, osy baptyń 5-tarmaǵynda kózdelgen jaǵdaılardy qospaǵanda, múlikti jarııa etý merzimi ishinde sol bir múlikti jarııa etýge qaıtadan ótinish berýge quqyly emes. 5. Múlikti (aqshadan basqa) jarııa etýge usynyl­ǵan qujattar sebepteri kórsetile otyryp, mynadaı: 1) osy Zańda belgilengen qujattardyń tolyq emes toptamasy usynylǵan; 2) usynylǵan qujattarda óshirip tazalaý men túzetýler bolǵan; 3) usynylǵan qujattar Qazaqstan Respýblıkasy zańnamasynyń osyndaı qujattarǵa qoıylatyn talaptaryna sáıkes kelmegen jaǵdaılarda qaıtarylýǵa jatady. Múlikti jarııa etýge usynylǵan qujattardy qaıtarýǵa negiz bolǵan sebepterdi joıǵan kezde adam osy Zańda belgilengen múlikti jarııa etý merzimi ishinde qaıtadan ótinish berýge quqyly. 6. О́tinishti komıssııa, salyq organy ótinish berilgen kúnnen bastap kúntizbelik otyz kún ishinde qaraıdy. 7. Múlikti (aqshadan basqa) jarııa etýdi ótkizýdi uıymdastyrý qaǵıdalaryn, jarııa etilgen múliktiń tizilimin júrgizý tártibi men nysanyn, komıssııa týraly erejeni Qazaqstan Respýblıkasynyń Úkimeti aıqyndaıdy. 8. Osy Zańda belgilengen talaptar saqtalǵan jaǵdaıda, komıssııa, salyq organy osy baptyń 6-tarmaǵynda belgilengen merzimde: 1) múlikti (aqshadan basqa) jarııa etý týraly sheshim shyǵarady; 2) jarııa etý sýbektisine múlikti (aqshadan basqa) jarııa etý týraly sheshimdi beredi; 3) jarııa etilgen múliktiń tizilimine málimetterdi engizedi. 9. Komıssııa, salyq organy múlikti jarııa etýden bas tartýdy osy Zańnyń 2 nemese 3-baptarynda kózdelgen talaptar saqtalmaǵan kezde sheshim qabyldaý arqyly júzege asyrady. 10. Múlik (aqshadan basqa) komıssııanyń, salyq organynyń jarııa etý týraly sheshim shyǵarǵan kúninen bastap jarııa etildi dep esepteledi. 11. Memlekettik tirkelýge jatatyn múlik jarııa etilgen jaǵdaıda, memlekettik organdar men uıymdar jarııa etý sýbektisiniń ótinishi negizinde Qazaqstan Respýblıkasynyń zańnamasyna sáıkes memlekettik tirkeý úshin qajetti qujattardy resimdeıdi. 12. Jarııa etiletin múlik jóninde usynylatyn málimetterdiń tolyqtyǵy men anyqtyǵy úshin jarııa etý sýbektileri jaýapty bolady. Jarııa etilgen múlikti resimdeýge baılanys­ty Qazaqstan Respýblıkasynyń zańnamasynda kózdelgen barlyq shyǵysty jarııa etý sýbektileri derbes tóleıdi. 8-bap. Aqshany jarııa etýdi uıymdastyrý jáne ótkizý tártibi jónindegi jalpy erejeler 1. Qazaqstan Respýblıkasynyń ekinshi deńgeıdegi bankteri, Qazaqstan Respýblıkasynyń sheginen tys jerlerde turǵan osyndaı bankterdiń fılıaldaryn qospaǵanda, Ulttyq poshta operatory aqshany jarııa etý maqsatynda jarııa etý sýbektisiniń ótinishi negizinde jeke jınaq shotyn (budan ári – jınaq shoty) ashady. 2. Aqsha mynadaı sharttardyń jıyntyǵy saqtalǵan: 1) ulttyq jáne (nemese) shetel valıýtasynda jarııa etiletin aqsha jarııa etý merzimi ishinde Qazaqstan Respýblıkasynyń ekinshi deńgeıdegi bankinde, Ulttyq poshta operatorynda ashylǵan jınaq shotyna salynýǵa (aýdarylýǵa) tıis; 2) eger osy baptyń 3-tarmaǵynda ózgeshe belgilenbese, jarııa etiletin aqsha jarııa etý maqsatynda osyndaı shotqa aqshany salǵan (aýdarǵan) kúnnen bastap keminde kúntizbelik alpys aı jınaq shotynda jatýǵa tıis bolatyn kezde jarııa etýge jatady. Bul rette shetel valıýtasynyń tizbesin Qazaqstan Respýblıkasy Ulttyq Bankiniń Basqarmasy aıqyndaıdy. 3. Jarııa etý sýbektisi osy baptyń 2-tarmaǵynyń 2) tarmaqshasynda kózdelgen merzim aıaqtalǵanǵa deıin: 1) «Samuryq-Qazyna» ulttyq ál-aýqat qory» aksıonerlik qoǵamynyń enshiles jáne táýeldi uıymdary aksııalarynyń paketterin baǵaly qaǵazdar naryǵyna («Halyqtyq IPO») shyǵarý baǵdarlamasy sheńberindegi, sondaı-aq: Qazaqstan Respýblıkasynyń memlekettik baǵaly qaǵazdaryn; Qazaqstan Respýblıkasynyń ulttyq basqarýshy holdıngteriniń, ulttyq kompanııalarynyń, ulttyq damý ınstıtýttarynyń, Qazaqstan Respýblıkasynyń ekinshi deńgeıdegi bankteriniń oblıgasııalaryn; qazaqstandyq qor bırjasynda ornalastyrylatyn ózge de baǵaly qaǵazdardy alǵashqy ornalastyrý sheńberindegi aksııalardy qosa alǵanda, «Samuryq-Qazyna» ulttyq ál-aýqat qory» aksıonerlik qoǵamynyń toby uıymdarynyń jekeshelendirý obektilerin, aktıvterin Qazaqstan Respýblıkasynyń Úkimeti belgilegen tártippen satyp alý arqyly Qazaqstan Respýblıkasynyń ekonomıkasyna ınvestısııalanǵan; 2) Qazaqstan Respýblıkasynyń ekinshi deńgeıdegi bankteri, Ulttyq poshta operatory osyndaı somadan alymdy akseptisiz alyp qoıý jaǵdaıy kezinde jınaq shotynan alynǵan nemese basqa shotqa aýdarylǵan aqsha somasynyń sheginde jarııa etiletin aqshaǵa bılik etýge quqyly. Bul rette Qazaqstan Respýblıkasynyń ekinshi deńgeıdegi banki, Ulttyq poshta operatory alymdy akseptisiz alyp qoıǵan kúnnen bastap ony kelesi operasııalyq kúnnen keshiktirmeı bıýdjetke aýdarýǵa mindetti. 4. Jınaq shotyna salynǵan (aýdarylǵan), jarııa etilgen aqshanyń saqtalýy Qazaqstan Respýblıkasynyń depozıtterge mindetti kepildik berý týraly zańnamasymen retteledi. 5. Qazaqstan Respýblıkasynyń ekinshi deńgeıdegi bankteriniń, Ulttyq poshta operatorynyń jınaq shottaryn ashý jáne júrgizý erekshelikterin, jınaq shotyna aqshanyń salynǵanyn (aýdarylǵanyn) rastaıtyn qujatty jarııa etý sýbektilerine berý, sondaı-aq jınaq shottaryndaǵy aqshanyń esepke alynýyn júrgizý tártibin Qazaqstan Respýblıkasy Ulttyq Bankiniń Basqarmasy aıqyndaıdy. 6. Aqsha jınaq shotyna salynǵan (aýdarylǵan) kúninen bastap jarııa etildi dep esepteledi. Jınaq shotyna jarııa etiletin aqsha salynǵan (aýdarylǵan) kezde Qazaqstan Respýblıkasynyń ekinshi deńgeıdegi banki, Ulttyq poshta operatory jarııa etý sýbektisine osy Zańǵa 2-qosymshaǵa sáıkes nysan boıynsha salynǵan (aýdarylǵan) aqsha somasynyń mólsherin rastaıtyn anyqtama beredi. 7. Osy Zańǵa sáıkes jarııa etilgen aqsha somasy jarııa etý sýbektisiniń tabysy retinde tanylmaıdy. 9-bap. Qazaqstan Respýblıkasy aýmaǵynyń sheginen tys jerlerde turǵan múlikti jarııa etý Qazaqstan Respýblıkasy aýmaǵynyń sheginen tys jerlerde turǵan múlikti jarııa etetin jarııa etý sýbektileri salyq organyna osy Zańnyń 7-babynyń 1-tarmaǵynda aıqyndalǵan qujattar tizbesine qosymsha mynadaı qujattardy: 1) Qazaqstan Respýblıkasy aýmaǵynyń sheginen tys jerlerde turǵan jyljymaıtyn múlik jáne shet memlekette tirkelgen zańdy tulǵalardaǵy qatysý úlesi boıynsha – osyndaı múlikke quqyq belgileıtin qujattyń notarıat kýálandyrǵan kóshirmesin; 2) emıtentteri shet memlekette tirkelgen baǵaly qaǵazdar boıynsha – baǵaly qaǵazdar boıynsha quqyqtardy esepke alýdyń tıisti júıesindegi jeke shottan úzindi kóshirmeni ne rezıdenti baǵaly qaǵazdardyń emıtenti bolyp tabylatyn memlekettiń zańnamasynda belgilengen, osy baǵaly qaǵazdarǵa menshik quqyǵyn rastaıtyn ózge de qujatty; 3) múliktiń satyp alý qunyn nemese baǵalaý qunyn rastaıtyn qujatty usynady. Bul rette, eger múliktiń quny shetel valıýtasynda kórsetilse, onda mundaı qun Qazaqstan Respýblıkasynyń ulttyq valıýtasy – teńgemen, ótinish berilgen kúnge Qazaqstan Respýblıkasynyń Ulttyq Banki belgilegen resmı baǵam boıynsha qaıta esepteledi; 4) alymdy tólegenin rastaıtyn qujatty usynady. 10-bap. Basqa tulǵaǵa resimdelgen múlikti jarııa etý 1. Basqa tulǵaǵa resimdelgen múlikti jarııa etetin jarııa etý sýbektileri osy Zańnyń 7-babynyń 1-tarmaǵynda aıqyndalǵan qujattar tizbesine qosymsha komıssııaǵa mynadaı qujattardy: 1) múlikke menshik quqyǵyn belgileıtin qujattyń notarıat kýálandyrǵan kóshirmesin; 2) basqa tulǵanyń jarııa etý sýbektisine múlikti óteýsiz bergeni týraly sharttyń notarıat kýálandyrǵan kóshirmesin; 3) baǵaly qaǵazdar boıynsha – baǵaly qaǵazdar boıynsha quqyqtardy esepke alýdyń tıisti júıesindegi jeke shottan úzindi kóshirmeni ne rezıdenti baǵaly qaǵazdardyń emıtenti bolyp tabylatyn memlekettiń zańnamasynda belgilengen, osy baǵaly qaǵazdarǵa menshik quqyǵyn rastaıtyn ózge de qujatty; 4) qatysý úlesi boıynsha – zańdy tulǵanyń quryltaı qujattaryna ózgerister men tolyqtyrýlar engizýdi kózdeıtin, zańdy tulǵanyń mórimen bekemdelgen memlekettik qaıta tirkeý týraly zańdy tulǵa organynyń sheshimin ne sheshiminen úzindi kóshirmeni usynady. 2. Qazaqstan Respýblıkasy aýmaǵynyń sheginen tys jerlerde turǵan osy baptyń 1-tarmaǵynda kórsetilgen múlikti jarııa etetin jarııa etý sýbektileri salyq organyna osy Zańnyń 7-babynyń 1-tarmaǵynda jáne osy baptyń 1-tarmaǵynda aıqyndalǵan qujattar tizbesine qosymsha mynadaı qujattardy: 1) múliktiń baǵalaý qunyn rastaıtyn qujatty; 2) alymdy tólegenin rastaıtyn qujatty usynady. 11-bap. Quqyqtary Qazaqstan Respýblıkasynyń zańnamasyna sáıkes resimdelmegen, Qazaqstan Respýblıkasynyń aýmaǵynda turǵan jyljymaıtyn múlikti jarııa etý 1. Quqyqtary Qazaqstan Respýblıkasynyń zańnamasyna sáıkes resimdelmegen, Qazaqstan Respýblıkasynyń aýmaǵynda turǵan jyljymaıtyn múlikti jarııa etetin jarııa etý sýbektileri komıssııaǵa osy Zańnyń 7-babynyń 1-tarmaǵynda aıqyndalǵan qujattar tizbesine qosymsha mynadaı qujattardy: 1) ǵımarattar men qurylystardy obektiniń qurylys normalary men qaǵıdalaryna sáıkestigine tehnıkalyq tekserýdi júzege asyratyn attestattalǵan sarapshynyń qorytyndysyn; 2) jyljymaıtyn múlik obektisiniń tehnıkalyq pasportyn usynady. 2. Komıssııa jarııa etilgen jyljymaıtyn múlik, jarııa etý sýbektisi týraly aqparatty jyljymaıtyn múlikke quqyqtardy memlekettik tirkeýdi júzege asyratyn organdarǵa beredi. 12-bap. Osy Zańǵa sáıkes jarııa etilgen jyljymaıtyn múlik obektilerin paıdalanýǵa qabyldaýdyń erekshelikteri Osy Zańǵa sáıkes jarııa etilgen jyljymaıtyn múlik obektilerin paıdalanýǵa qabyldaýdy uıymdastyrý men júrgizýdiń erekshe tártibin Qazaqstan Respýblıkasynyń Úkimeti aıqyndaıdy. 13-bap. Múlkin jarııa etken jarııa etý sýbektilerin jaýaptylyqtan bosatý 1. Qylmystyq jáne ákimshilik jaýaptylyqtan bosatý bóliginde raqymshylyq jasaýdyń kúshi osy Zań qoldanysqa engizilgen kúnge deıin jasalǵan mynadaı: 1) sybaılas jemqorlyq qylmystardy ne uıymdasqan top jáne (nemese) qylmystyq qoǵamdastyq (qylmystyq uıym), transulttyq uıymdasqan top, transulttyq qylmystyq qoǵamdastyq (transulttyq qylmystyq uıym) nemese turaqty qarýly top (banda) jasaǵan qylmystardy qospaǵanda, Qazaqstan Respýblıkasy Qylmystyq kodeksiniń 190 (tyıym salynǵan qyzmet túrlerinen basqa), 191, 193 (Qazaqstan Respýblıkasy Qylmystyq kodeksiniń baptarynda kózdelgen, osy baptyń 1-tarmaǵynyń 1) tarmaqshasynda kórsetilgen qylmystardy jasaý arqyly alynǵan aqsha qarajatyn nemese múlikti jarııa etken jaǵdaıda), 208, 213, 215, 216, 216-1, 217, 218, 221 jáne 222-baptarynda kózdelgen qylmystardyń; 2) Qazaqstan Respýblıkasynyń Ákimshilik quqyq buzýshylyq týraly kodeksiniń 143, 143-2, 155, 155-1, 155-3, 155-4, 155-5, 156, 157, 166, 168-1, 178, 185, 187, 205-1, 205-2, 206, 206-1, 206-2, 207, 208, 208-1, 209, 214, 357-1-baptarynda kózdelgen ákimshilik quqyq buzýshylyqtardyń belgileri boıynsha is-áreketterdi jasaý nátıjesinde alynǵan múlikti jarııa etken jarııa etý sýbektilerine qoldanylady. 2. Raqymshylyq jasaýdyń kúshi memlekettik laýazym atqaratyn, múlkin jarııa etken jarııa etý sýbektilerine «Sybaılas jemqorlyqqa qarsy kúres týraly» Qazaqstan Respýblıkasy Zańynyń 9-babynda kózdelgen deklarasııalar men málimetterdi usynbaýy nemese tolyq, anyq usynbaǵany úshin tártiptik jaýaptylyqtan bosatý bóliginde, osy Zań qoldanysqa engizilgen kúnge deıingi kezeńderge qoldanylady. 3. Osy baptyń qylmystyq, ákimshilik jáne tártiptik jaýaptylyqtan bosatý bóligindegi erejeleri jarııa etilgen múliktiń sheginde jasalǵan is-áreketterge qoldanylady. 14-bap. Qylmystyq isterdi qozǵaýdan bas tartý, qylmystyq isterdi jáne ákimshilik quqyq buzýshylyqtar týraly isterdi toqtatý 1. Múlkin jarııa etken jarııa etý sýbektilerine qatysty osy Zańnyń 13-baby 1-tarmaǵynyń 1) tarmaqshasynda kózdelgen qylmystar boıynsha qylmystyq ister qozǵalmaıdy, al qozǵalǵan qylmystyq ister Qazaqstan Respýblıkasynyń qylmystyq-prosestik zańnamasynda kózdelgen tártippen toqtatylýǵa jatady. 2. Múlkin jarııa etken jarııa etý sýbektilerine qatysty osy Zańnyń 13-baby 1-tarmaǵynyń 2) tarmaqshasynda kózdelgen ákimshilik quqyq buzýshylyqtar boıynsha ákimshilik quqyq buzýshylyqtar týraly ister qozǵalmaıdy. Osy Zańnyń 13-baby 1-tarmaǵynyń 2) tarmaqshasynda kózdelgen ákimshilik quqyq buzýshylyqtar boıynsha sottar ne ýákiletti organ qaramaǵan ákimshilik quqyq buzýshylyqtar týraly ister Qazaqstan Respýblıkasynyń ákimshilik quqyq buzýshylyq týraly zańnamasynda kózdelgen tártippen toqtatylýǵa jatady. 15-bap. Osy Zańda belgilengen talaptardy buzǵany úshin jaýaptylyq Osy Zańda belgilengen talaptardy buzý Qazaqstan Respýblıkasynyń zańdarynda kózdelgen jaýaptylyqqa ákep soǵady. 16-bap. Komıssııa qabyldaǵan sheshimderge qatysty quqyq mırasqorlyǵy jáne ókildik Komıssııanyń múddelerin, onyń ishinde komıssııa qyzmetiniń toqtatylǵan kezinen bastap múddelerin bildirýdi jergilikti atqarýshy organ júzege asyrady. Quqyq mırasqoryna múlikti jarııa etý ne jarııa etýden bas tartý týraly komıssııa sheshim shyǵarǵan múlikke qatysty talapker nemese jaýapker bolý ókilettikteri aýysady. 17-bap. Shaǵym jasaý tártibi Komıssııanyń, salyq organynyń sheshimderine, sondaı-aq múlikti jarııa etýdi ótkizý kezindegi ózge de áreketterge (áreketsizdikke) Qazaqstan Respýblıkasynyń zańdarynda kózdelgen tártippen sotqa shaǵym jasalýy múmkin. 18-bap. Osy Zańdy qoldanysqa engizý tártibi Osy Zań 2014 jylǵy 1 qyrkúıekten bastap qoldanysqa engiziledi. Qazaqstan Respýblıkasynyń Prezıdenti N. NAZARBAEV. Astana, Aqorda, 2014 jylǵy 30 maýsym № 213-V QRZ «Qazaqstan Respýblıkasynyń azamattaryna, oralmandarǵa jáne Qazaqstan Respýblıkasynda turýǵa yqtııarhaty bar adamdarǵa olardyń múlikti jarııa etýine baılanysty raqymshylyq jasaý týraly» Qazaqstan Respýblıkasynyń 2014 jylǵy 30 maýsymdaǵy № 213-V Zańyna 1-qosymsha __________________________ (ótinish beriletin organ) __________________________ Múlikti jarııa etýdi ótkizýge arnalǵan О́TINISh (eki danada toltyrylady) T.A.Á. ________________________________________________________________________________ JSN__________________________________________________________________________________ Turǵylyqty jeri _______________________________________________________________________ Jeke basyn kýálandyratyn qujat: túri __________________, serııasy ___________________ № _________ berilgen kúni ___________ ___________________bergen. Jarııa etiletin múliktiń tizbesi Múliktiń quny (myń teńge) Ornalasqan meken-jaıy Múliktiń jıyntyq quny О́tinishke mynadaı qujattardy (ataýy, serııasy, nómiri, qashan jáne kim berdi) qosa beremin: _______________________________________________________________________________________________________________________________________________________________________________________________________________________ (kúni, aıy, jyly) (ótinish berýshiniń qoly) (ótinish berýshiniń T.A.Á.) ________________________________________________________________________________________ (ótinishti qabyldap alǵan mamannyń T.A.Á. jáne qoly) ________________________________________________________________________________________ (organ basshysynyń T.A.Á. jáne qoly) M.O. О́tinish qabyldaǵan kún: 20 ___ jylǵy «____» _________ «Qazaqstan Respýblıkasynyń azamattaryna, oralmandarǵa jáne Qazaqstan Respýblıkasynda turýǵa yqtııarhaty bar adamdarǵa olardyń múlikti jarııa etýine baılanysty raqymshylyq jasaý týraly» Qazaqstan Respýblıkasynyń 2014 jylǵy 30 maýsymdaǵy № 213-V Zańyna 2-qosymsha Aqshany jarııa etý úshin jınaq shotyna aqshanyń salynǵanyn/aýdarylǵanyn rastaý týraly anyqtama Anyqtama berilgen kún 20___jylǵy «___»_________ Bank/Ulttyq poshta operatory ______________________________________________________________________________________________________ (banktiń/Ulttyq poshta operatorynyń tolyq ataýy) Jarııa etý sýbektisi ___________________________________________________________________________________________________________________________________________________________________________________________________ (T.A.Á., jeke basyn kýálandyratyn qujat (№, kim jáne qashan bergen), turǵylyqty jeri, JSN) 20____ jylǵy «___»_____________ jınaq shotyna ___________________________________________________________________________________ (sıfrlarmen jáne jazýmen, valıýtanyń túri) somasynda aqsha salǵanyn/aýdarǵanyn kýálan­dyrady. Qoly _________________________________________________________________________________ (Banktiń/Ulttyq poshta operatorynyń ýákiletti adamy) Móri __________________________________________________________________________________ (Bank/Ulttyq poshta operatory)