Onyń jýrnalıstik joly oblystyq «Atyraý» gazetinde shyńdalǵan. Keıin ońtústik astana – Almatyǵa qonys aýdaryp, uzaq jyl el gazetiniń quqyq bólimin basqarǵan. Qalamger ádildik izdegen jandardyń janaıqaıy, zańdy belden basqan ospadarlardyń teris áreketi týraly úzbeı jazdy. Sońǵy kezde qazaq baspasózinen sırek kórinetin feleton janrynyń sheberi ómirden ótkenge deıin jýrnalıstik kásibine adaldyqtan jańylmady. Qolynan qalamyn tastamady.
О́tken aptada belgili qalamger Nýrı Mýftahtyń Atyraý qalasynda turǵan úıine eskertkish taqta ornatyldy. Oǵan «Atyraý – aqparat» JShS uıytqy boldy. Seriktestiktiń bas dırektory Jasyn Birkenovtiń aıtýynsha, bul – jýrnalıstıka ardagerin este qaldyrýǵa arnalǵan ıgilikti is-shara.
«Qazaq baspasózinen qol úzbegen oqyrmandar Nýrı Mýftahty ádildiktiń aq semseri retinde este saqtaıdy. О́ıtkeni ol ádildik jolynda eshkimdi alalamady. Sol sebepten, qııanat kórgen jandar aldymen Nýrı Mýftahty izdedi. Ol muńyn da, syryn da aıtqan jandardy qolynda bıligi bar áperbaqandardan qorǵady. Sóıtip, quqyq salasyndaǵy ádildiktiń ornaýyna ózindik úlesin qosty. Onyń ádildikti tý etken ustanymy izinen ergen shyǵarmashylyq ókilderi úshin úlgi-ónege bolyp qala beredi», deıdi Jasyn Birkenov.
Sondaı-aq oblystyq «Atyraý» gazetine eki ret bas redaktor bolǵan Teńdik Jaýyrovtyń turǵan úıine de eskertkish taqta ilindi. Áriptesteri qos qalamgerdiń adamgershilik bolmysy, shyǵarmashylyq qyry týraly estelikterimen bólisti.
Atyraý oblysy
